Эътимод ба вакилони мардумӣ. Соли сипаригардида беш аз 5 ҳазор нафар шаҳрвандон ба Маҷлиси намояндагон муроҷиат кардаанд
ДУШАНБЕ, 19.02.2029. /АМИТ «Ховар»/. Соли 2019 аз ҷониби шаҳрвандон ба унвони вакилони Маҷлиси намояндагони Маҷлиси Олии Ҷумҳурии Тоҷикистон қариб 5 ҳазору 400 муроҷиат ворид гардидааст. Дар ин бора котиби матбуотии палатаи поёнии Парлумони Тоҷикистон Муҳаммадато Султонов ба АМИТ «Ховар» хабар дод.
Ба иттилои манбаъ, муроҷиатҳои шаҳрвандон ба Маҷлиси намояндагон асосан ба таври хаттӣ, электронӣ, телефонӣ ва зимни қабули шаҳрвандон аз ҷониби вакилон сабт шудаанд.
«Аз ҳисоби умумии муроҷиатҳо 663-то ба таври хаттӣ ворид шуда, 4 ҳазору 736 нафар барои мулоқот бо вакилонашон ба Маҷлиси намояндагон ташриф оварданд. Муроҷиатҳои боқимонда ба вакилони мардумӣ тариқи телефони доимоамалкунанда ва почтаи электронии «Равзанаи Парламент» расидаанд», — афзуд Муҳаммадато Султонов.
Гуфта мешавад, ки соли сипаригардида роҳбарияти Маҷлиси намояндагон 1 ҳазору 56 нафар муроҷиаткунандаро ба ҳузур пазируфта, ҷиҳати ҳалли мушкили шаҳрвандон тадбирҳои дахлдор андешидаанд.
Барои баррасии саривақтӣ ба муроҷиат ва арзу дархости шаҳрвандони мамлакат дар назди дастгоҳи Маҷлиси намояндагони Маҷлиси Олии Ҷумҳурии Тоҷикистон шуъбаи муроҷиат ва қабули шаҳрвандон амал менамояд, ки муроҷиатҳои сокинонро сари вақт ва таъҷилӣ ба кумита ва комиссияҳои дахлдор барои баррасӣ мерасонад.
«Агар мактубҳо ва дархостҳои аҳолӣ ба Маҷлиси намояндагонро ба таври умумӣ таҳлил намоем, метавон гуфт, ки интихобкунандагон ба Маҷлиси намояндагон ва вакилони худ эътимоди комил доранд», — гуфт манбаъ.
Ба Қонуни Ҷумҳурии Тоҷикистон «Дар бораи Бонки миллии Тоҷикистон» тағйироту илова ворид гардид
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
Ба Қонуни Ҷумҳурии Тоҷикистон «Дар бораи пешгирии зӯроварӣ дар оила» тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Муовини Раиси Маҷлиси намояндагон бо Роҳбари Хазинаи кӯдакони Созмони Милали Муттаҳид дар Тоҷикистон мулоқот намуд
Дар Душанбе мулоқоти вакилони Парлумони Тоҷикистон бо намояндагони Туркманистон баргузор шуд
Вакили Парлумон дар ҷаласаи комиссияи назоратию буҷетии Ассамблеяи байнипарлумонии Иттиҳоди Давлатҳои Мустақил ба таври фосилавӣ иштирок намуд
Раиси Маҷлиси намояндагони Маҷлиси Олии Ҷумҳурии Тоҷикистон бо Пешвои миллии халқи туркман-Раиси Халқ Маслиҳатии Туркманистон мулоқот анҷом дод
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Пешвои миллии халқи туркман, Раиси Халқ Маслиҳатии Туркманистон Гурбонгулӣ Бердимуҳамедов мулоқот намуданд
Ҷаласаи Шурои коршиносон оид ба экология ва идоракунии захираҳои табиӣ дар Ассамблеяи байнипарлумонии мамлакатҳои Иттиҳоди Давлатҳои Мустақил доир шуд
ҲАМОВОЗӢ. Дар Парлумон оид ба мулоқоти Президенти Тоҷикистон бо фаъолон, намояндагони ҷомеа ва ходимони дин ҳамоиш доир гардид
