Маркази тиббии шаҳри Душанбе бо дастгирии Ҳукумати Япония бо таҷҳизоти нави муосири тиббӣ муҷаҳҳаз гардид
ДУШАНБЕ, 11.02.2020. /АМИТ «Ховар»/. 10 феврал дар шаҳри Душанбе маросими анҷом ёфтани лоиҳаи дастрас намудани таҷҳизоти тиббӣ барои Маркази тиббии шаҳри Душанбе ба номи Карим Ахмедов доир гардид. Лоиҳаи мазкур дар чаҳорчӯбаи Барномаи кумакҳои бебозгашти Ҳукумати Япония барои бахши аъзами аҳолӣ ва амнияти башарӣ (GGP) амалӣ гардид, хабар медиҳад мухбири АМИТ “Ховар”.
Дар маросими анҷом ёфтани лоиҳа Сафири Фавқулода ва Мухтори Япония дар Ҷумҳурии Тоҷикистон Такаюки Мияшита иштирок ва сухан гуфта, иттилоъ дод, ки аз тарафи Ҳукумати Япония барои татбиқи ин лоиҳа 89,222 доллари ИМА ҳамчун грант ҷудо гардид.
Маркази тиббии шаҳри Душанбе ба номи Карим Ахмедов ба шуъбаи акушерӣ барои нигоҳубини кӯдакони навзод ба таҷҳизоти ҳозиразамон ниёз дошт. Пас аз бомуваффақ анҷом ёфтани лоиҳа, акнун дар шуъба таҷҳизоти зарурии тиббӣ, аз қабили дастгоҳи нафасдиҳии сунъӣ, мониторҳои тиббӣ, инкубатор, лампаи фототерапевтӣ, катҳои кӯдакона ва ғайра насб карда шуданд.
Сафир Мияшита ҳамчунин изҳор дошт, ки лоиҳаҳои Ҳукумати Япония тавонистанд дар рушди соҳаҳои мухталиф, аз ҷумла иншооти инфрасохторӣ, маориф, кишоварзӣ, тандурустӣ ва рушди иҷтимоӣ мусоидат намоянд. Лоиҳаҳои мазкур дар тақвияти минбаъдаи ҳамкории дуҷониба байни Ҷумҳурии Тоҷикистон ва Япония нақши муҳим мебозанд.
Дар маросими анҷом ёфтани лоиҳа, дар баробари кормандони Маркази тиббии шаҳри Душанбе ба номи Карим Ахмедов ва намояндагони мақомоти иҷроияи ҳокимияти маҳаллии шаҳри Душанбе, инчунин муовини сардори раёсати тандурустии шаҳри Душанбе Холмирзо Давлатов, роҳбари Маркази тиббии шаҳри Душанбе Хуршед Рустамов, муовинони ӯ Акрам Маҳмадхолзод ва Розия Абдусамадова иштирок намуда, ба ҳукумат ва мардуми Япония барои дастгирӣ изҳори сипос намуданд.
Дар ноҳияи Шоҳмансури шаҳри Душанбе Озмуни ноҳиявии «Кадбонуи беҳтарин» баргузор гардид
«МОДАР — САРЧАШМАИ МЕҲРУ МУҲАББАТ». Дар Душанбе Рӯзи модарро ботантана таҷлил намуданд
Иҷлосияи панҷуми Маҷлиси вакилони халқи шаҳри Душанбе, даъвати ҳафтум баргузор мегардад
Маросими қадршиносии беҳтаринҳо дар соҳаҳои кор бо ҷавонон ва варзиши шаҳри Душанбе баргузор гардид
МОДАР — САРЧАШМАИ МЕҲРУ МУҲАББАТ. Дар ноҳияи Шоҳмансур ҳамоиши идонаи фарҳангӣ – фароғатӣ доир шуд
УФУҚҲОИ ДӮСТӢ. Муносибатҳои бародаршаҳрӣ байни Душанбе ва Боку тақвият меёбад
«ЗАН-МОДАР — ПАЙВАНДГАРИ НАСЛҲО». Дар Душанбе ҳамоиши маърифатӣ — фарҳангӣ доир гардид
«БАРОИ ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон доир гардид
«САЙРИ ГУЛИ ЛОЛА». Дар Душанбе таҳти чунин унвон Фестивали гулҳо баргузор мегардад
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мегардад
Дар Душанбе ба ифтихори Рӯзи Қувваҳои Мусаллаҳи Ҷумҳурии Тоҷикистон чорабинии бошукуҳ баргузор гардид
Соли 2025 зиёда аз 1 миллион сайёҳон ба шаҳри Душанбе ворид гардидаанд
