Мубинҷон Ахмедов соҳиби медали биринҷии Чемпионати Осиё гардид
ДУШАНБЕ, 19.02.2020. /АМИТ «Ховар»/. Тавре қаблан хабар дода будем, аз 18 то 24 феврал дар шаҳри Деҳлии Ҳиндустон Чемпионати Осиё оид ба гӯштини озод ва юнонӣ-римӣ баргузор мешавад. Дар рӯзи аввали ин чемпионат узви дастаи мунтахаби мамлакат Мубинҷон Ахмедов медали биринҷӣ ба даст овард. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.
Тибқи иттилои манбаъ, Мубинҷон Ахмедов дар вазни 63кг-и гӯштини юнонӣ-римӣ дар чорякфинал аз варзишгари Кореяи Ҷанубӣ Ҷинсеуб Сонг, ки медали нуқра ба даст овард, мағлуб шуд. Ӯ сипас дар қувваозмоӣ барои ҷои сеюм бар намояндаи Кувайт Муҳаммад Алаҷмӣ ғалаба кард. Дар ин вазн варзишгари Ӯзбекистон Элмурод Тосмуродов ғолиб шуд. Медали дигари биринҷиро намояндаи Эрон соҳиб гардид. Дар рӯзи аввал, ҳамчунин ду варзишгари дигарамон – Муслиҳиддин Уроқов (77кг) ва Суҳроб Абдулҳаев (87кг) гӯштин гирифтанд, вале аз медал бенасиб монданд.
Имрӯз қувваозмоиҳои гӯштини юнонӣ-римӣ дар 5 вазни дигар идома меёбанд. Варзишгарони мо дар 4 вазн гӯштин мегиранд — Фирӯз Мирзораҷабов (60кг), Зайниддин Қамаров (67кг), Лоиқ Амирхонзода (72кг), Мирзоамин Сафаров (97кг).
Ҷумҳурии Тоҷикистонро дар ин мусобиқа 15 нафар варзишгарон – ҳафтнафарӣ аз рӯи равияҳои гӯштини тарзи озод ва юнонӣ-римӣ, як нафар дар гӯштини бонувон намояндагӣ мекунанд. Дар чемпионат аз рӯи се равия – гӯштини тарзи озод, гӯштини юнонӣ-римӣ ва гӯштини бонувон 275 нафар варзишгарон аз 24 давлати қора иштирок хоҳанд кард.
Дастаи мунтахаби Тоҷикистон дар ҳайати калон дар мусобиқаи мазкур иштирок мекунад.
Гӯштини юнонӣ-римӣ
1. Фирӯз Мирзораҷабов (60кг)
2. Мубинҷон Ахмедов (63кг)
3. Зайниддин Қамаров (67кг)
4. Лоиқ Амирхонзода (72кг)
5. Муслиҳиддин Уроқов (77кг)
6. Суҳроб Абдулҳаев (87кг)
7. Мирзоамин Сафаров (97кг)
Сармураббӣ – Фаррух Беков
Гӯштини озод
1. Ҳикматулло Воҳидов (57кг)
2. Муҳаммад Икромов (61кг)
3. Ҷамшед Шарифов (65кг)
4. Ғуломҷон Шарифов (74кг)
5. Баҳодур Қодиров (86кг)
6. Искандари Рустам (97кг)
7. Фарҳод Анақулов (125)
Сармураббӣ – Абдурозиқ Олимов
Гӯштини бонувон
1. Ватансултон Шакаршоева (53кг)
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
