Теъдоди сироятёфтагони коронавируси нав дар Ҷумҳурии Корея ба 893 нафар расид

ДУШАНБЕ, 25.02.2020 /АМИТ «Ховар»/.   Теъдоди  сироятёфтагони  намуди нави коронавирус дар Кореяи Ҷанубӣ 60 нафар афзуда, 893 нафарро ташкил дод. Дар ин бора рӯзи сешанбе аз Маркази назорати бемориҳо ва пешгирии Вазорати тандурустии мамлакат иттилоъ доданд, хабар медиҳад АМИТ «Ховар» бо истинод ба ТАССҚаблан мақомот дар бораи 833 сироятёфта ва ҳафт нафар фавтида маълумот дода буданд.

Дар чанд рӯзи охир теъдоди беморони сироятёфта дар Ҷумҳурии Корея якбора афзудааст. Дар робита ба ин 23 феврал Ҳукумати мамлакат тасмим гирифт, ки оғози соли хониш дар мактабҳоро як ҳафта ба таъхир гузорад, ки он 9 март оғоз меёбад.Авҷи беморӣ бо пайдошавии коронавируси нав (2019-nCoV) охири моҳи декабри соли 2019 дар шаҳри серодамтарини Чин — Ухани 12- миллионнафара  ба қайд гирифта шуд.

Созмони умумиҷаҳонии тандурустӣ онро ҳолати фавқулодаи миқёси байналмилалӣ эътироф карда, ҳамчун эпидемия бо паҳншавии намудҳои гуногун арзёбӣ кард.

Берун аз Ҷумҳурии Мардумии Чин дар 32 давлат, аз ҷумла дар Россия ҳолатҳои сироятшавӣ ошкор карда шуданд. Мақомоти Чин дар мамлакат 2 663 фавтро сабт карданд, беш аз 27,2 ҳазор нафар шифо ёфтанд, шумораи шахсони сироятёфта аз вақти  паҳншавии вирус зиёда 77,6 ҳазор нафар ташкил дод.