Дар Чин сирояти коронавирус коҳиш меёбад, аммо беморӣ қариб дар 130 кишвари ҷаҳон паҳн гаштааст
ДУШАНБЕ, 16.03.2020 /АМИТ «Ховар»/. Шумораи аввалин кишварҳои сироятшуда қариб ба 130 адад наздик шудааст, ин дар ҳолест, ки дар Чин хурӯҷи он коҳиш меёбад. Дар ин бора АМИТ «Ховар» бо истинод ба ТАСС хабар медиҳад.
Шабонарӯзи гузашта ба рӯйхати кишварҳои сироятшуда чор давлати африқоӣ – Намибия, Ҷумҳурии Конго, Руанда ва Ҷумҳурии Африқои Марказӣ шомил гардиданд.
Имрӯз Агентии беҳдошти санитарии Ӯзбекистон дар назди Вазорати тандурустӣ эълон намуд, ки нахустин ҳолати сироят дар кишвар ба қайд гирифта шудааст. Дар ин бора имрӯз Вазорати тандурустӣ иттилоъ дод.
Дар умум, тибқи маълумоти Созмони Умумиҷаҳонии Тандурустӣ, субҳи 15 март дар ҷаҳон зиёда аз 142,6 ҳазор нафар сироят ёфта, 5393 нафар фавтидаанд.
Дар Чин мувофиқи маълумоти Кумитаи давлатии тандурустӣ, тӯли як шабонарӯз 20 нафар сироят шуда, 1370 нафар аз беморхона рухсат шудаанд. Вале шумораи фавт то 10 нафар афзуда, дар маҷмӯъ, 80844 нафар бемор шуда, 66911 бемор сиҳат шуданд ва 3199 нафар дучори марг шуданд. Аксари беморӣ ва фавт ба Ухани Чин рост меояд.
Дар Аврупо паҳншавии коронавирус ҳоло идома дорад: дар Испания дар як шабонарӯз беморӣ аз 1,5 ҳазор то ба 5,7 ҳазор расидааст, шумораи фавт инҷо қариб ба 200 нафар мерасад. Ҳукуматдорон ҳаракати одамонро дар саросари кишвар маҳдуд намудаанд. Италия дар Аврупо ба маркази хурӯҷи коронавирус табдил ёфтааст, инҷо 1441 нафар ҳалок гашта, шумораи мубталоён ба 17 750 нафар расидааст.
Тибқи иттилои CNN, дар Америка шумораи сироят ба 2795 расида, 57 нафар дучори марг шудаанд.
Дар Россия ҳолатҳои тасдиқшуда аз 45 ба 59 нафар расидаанд.
Бо мақсади пешгирии сироят баъзе кишварҳо сарҳади худро бастанд. Полша, Литва низ вуруди хориҷиёнро манъ кардаанд. Чораҳои маҳдудкунанда алҳол ба нақлиёти боркаш тааллуқ надоранд.
Норвегия шурӯъ аз 16 март бандарҳо ва фурудгоҳҳои худро мебандад ва назорати қатъиро дар сарҳад ба роҳ мемонад: дар ин кишвар 907 ҳолати сирояти коронавирус ва ду фавт қайд гардидаанд.
Акс АИ «Синхуа»
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
