Дар Данғара Фестивали фарҳангии «Дӯстии ҷавонони ҷаҳон поянда бод!» баргузор мегардад
ДУШАНБЕ, 17.03.2020. /АМИТ «Ховар»/. Субҳи имрӯз ҳайати 300-нафараи ҷавонон ҷиҳати иштирок дар дуюмин Фестивали фарҳангии ҷавонони хориҷӣ таҳти унвони «Дӯстии ҷавонони ҷаҳон поянда бод!» ба ноҳияи Данғараи вилояти Хатлон сафар намуданд. Дар ин бора мухбири АМИТ «Ховар» Холисаи Асомиддин, ки ба ҳайати мазкур шомил аст, хабар медиҳад.
Ба иттилои мудири шуъбаи матбуоти Кумитаи кор бо ҷавонон ва варзиши назди Ҳукумати Ҷумҳурии Тоҷикистон Эраҷ Раҷабзода, дар доираи баргузории фестивал дар минтақаи сайёҳии Пушинги ноҳияи Данғара бахшида ба иди Наврӯзи байналмилалӣ ҷамъомади тантанавии «Наврӯзи ҷаҳонӣ- Наврӯзи ҷавонӣ» доир мегардад.
Ҳамзамон намоиши бозиҳои миллии варзишӣ, анъанаҳои ҷашни Наврӯз, таомҳои миллӣ, намунаи ҳунарҳои мардумӣ, расму оинҳои миллии тоҷикӣ доир гардида, иштирокчиёни Фестивал аз минтақаҳои зебоманзар ва сайёҳии деҳаи Пушинги ноҳия дидан мекунанд.
Ҳайати намояндагони дипломатӣ, сафирони давлатҳои хориҷӣ, роҳбарону намояндагони ташкилоту созмонҳои минтақавию байналмилалӣ аз Осорхона-мактаби Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дидан менамоянд.
Нимаи дуюми рӯз иштирокчиёни фестивал дар қасри фарҳанги ноҳияи Данғара дар барномаи фарҳангии ҷавонон иштирок менамоянд.
Мақсад аз баргузории фестивали мазкур муаррифии фарҳанги миллӣ, дӯсту муттаҳид намудани ҷавонони ҷаҳон, ташаккул додани заминаҳои ҳамгироии ҷавонон ва рушди фархангҳо мебошад.
Ёдовар мешавем, ки соли дуюм аст дар Ҷумҳурии Тоҷикистон аз ҷониби маҳфили «Ҷавонони дар хориҷи кишвар таҳсилдошта»-и назди Кумитаи кор бо ҷавонон ва варзиш Фестивали фарҳангии ҷавонони хориҷӣ таҳти унвони «Дӯстии ҷавонони ҷаҳон поянда бод!» баргузор мегардад.
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
