Роҳбари СУТ дар бораи муқовимат ба коронавирус: «ба корҳо такони ҷиддӣ бояд дод»
ДУШАНБЕ, 06.03.2020 /АМИТ «Ховар»/. Директори генералии Созмони Умумиҷаҳонии Тандурустӣ Тедрос Гебрейесус аз тамоми кишварҳо даъват намуд, ки таҳдиди коронавируси COVID19-ро ҷиддӣ қабул карда, барои ҳифз аз он фавран тадбирҳои зарурӣ андешанд ва ҳамзамон ба маълумоти бардурӯғе, ки сабаби таҳлука мегарданд, муқовимат намоянд, хабар медиҳад АМИТ «Ховар» бо истинод ба хадамоти матбуоти СММ.
Директори генералии СУТ рӯзи панҷшанбе эълон намуд, ки то ба имрӯз 95 265 ҳолати гирифторони коронавирси COVID-19 ба қайд гирифта шуда, 3281 нафар ба ҳалокат расидаанд. Дар Чин муддати як шабонарӯзи охир 143 ҳолати нави беморӣ ошкор шуд, ки аксари онҳо аз вилояти Хубей ҳастанд, дар ду музофоти дигар беморони нав пайдо нашуданд. Дар 33 давлат имрӯз 2055 ҳолати сироят тасдиқ шудааст, ки 80 фоизи он ба се кишвар рост меояд. Ҳарчанд эпидемия дар баъзе кишварҳо паҳн шуда истодааст, дар 115 давлат коронавирус вуҷуд надорад, дар Кореяи Ҷанубӣ шумораи сироятёфтаҳо коҳиш меёбад. Дар 21 давлат як ҳолатӣ сабт гашта, дар панҷ кишваре, ки қаблан вирус ошкор гашта буд, аллакай 14 рӯз боз ҳолатҳои нав ба қайд гирифта нашудаанд.
Мутобиқи суханони роҳбари СУТ, таҷрибаи ин кишварҳо ва Чин нишон медиҳад, ки ин «ҳаракати якҷониба» нест. «Эпидемияро метавон боздошт, аммо танҳо бо усули муташаккилона, ҳамоҳангшуда ва ҳамаҷонибаи умумӣ барои тамоми қисматҳои ҳукумат», -гуфт доктор Тедрос.
«Асоси муқовимат бо вирус- ин мубориза алайҳи овозаҳо ва ахбори дурӯғин аст. Мо ба шумо эътимод дорем, то ин ки мардум дар бораи хавфи эҳтимолӣ ва ҳифз намудани худ бо маълумоти муътамад фаро гирифта шаванд»,- изҳор намуд доктор Тедрос ба намояндагони давлатҳо.
Нигаронии ӯ аз он буд, ки вирус метавонад ба кишварҳое дохил шавад, ки низоми ҳифзи тандурустиашон заиф аст, аммо вай таъкид сохт, ки ягон кишвар аз сар задани эпидемия эмин буда наметавонад. Ҳамзамон ӯ изҳори ташвиш намуд, ки баъзе кишварҳо ин таҳдидро ҷиддӣ қабул намекунанд ё ба қароре омадаанд, ки онҳо дигар коре карда наметавонанд.
«Ин омӯзиш нест. Ҳоло замони таслим шудан нест. Алҳол вақти худсафедкунӣ нест. Акнун фурсати он расидааст, ки ба корҳо вусъат диҳем», — гуфт директори генералии СУТ .
Дар акс: роҳбари СУТ Тедрос Адханом Гебрейесус /акси СММ / Д. Ҷонсон
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
