ВАО БА ТАШАККУЛИ АФКОРИ ҶОМЕА ТАЪСИРИ МУҚТАДИР ВА МУАССИР МЕРАСОНАНД. Дар АМИТ «Ховар» бахшида ба Рӯзи матбуоти тоҷик маҷлиси тантанавӣ баргузор гардид
ДУШАНБЕ, 11.03.2020 /АМИТ «Ховар»/. Воситаҳои ахбори омма ба ташаккули афкори ҷомеа таъсири муқтадир ва муассир мерасонанд. Ин нуктаро имрӯз директори Агентии миллии иттилоотии Тоҷикистон «Ховар» Саидалӣ Сиддиқ зимни маҷлиси тантанавӣ бахшида ба Рӯзи матбуоти тоҷик зикр намуд.
Дар маҷлис, ки бо иштироки роҳбарият ва кормандони Агентӣ сурат гирифт, С. Сиддиқ аҳли нишастро бо иди касбӣ – Рӯзи матбуоти тоҷик, ки ҳамасола 11 март дар Тоҷикистон таҷлил мегардад, табрик намуда, дар бораи таърихи пайдоши ин ид ва марҳилаҳои рушди матбуоти тоҷик сухан гуфт.
Мавсуф, аз ҷумла, тазаккур дод, ки ба ин рӯз рост омадани ин ид рамзӣ мебошад, зеро маҳз 108 сол муқаддам, яъне 11 марти соли 1912 аввалин шумораи нахустрӯзномаи сирф тоҷикӣ — «Бухорои шариф» ба нашр расида буд. Дар ин рӯз, 11 марти соли 1887 сармуҳаррири нахустин маҷаллаи тоҷикӣ «Шуълаи инқилоб», нависанда донишманд, тарҷумон ва рӯзноманигори маъруф Саидризо Ализода ба дунё омадааст.
«Рӯзномаи «Бухорои шариф» дар тӯли фаъолияти начандон тӯлонии худ бо чопи 153 шумора тавонист дар бедорӣ ва ба вуҷуд овардани афкори мардум, такон додани мафкураи онҳо ва худшиносию худогоҳии мардуми тоҷик хизмати бузург намояд, — иброз дошт С. Сиддиқ ва илова намуд, ки рӯзнома ба унвони як нашрияи илмӣ, адабӣ, ахлоқӣ, иқтисодӣ ва иҷтимоӣ, пеш аз ҳама, бозгӯкунандаи андешаҳову дидгоҳҳои равшанфикрони тоҷик буд».
Ӯ ҳамчунин аз рушди матбуоти тоҷик ёдовар шуда, таъкид намуд, ки дар 100-солагии таҷлили таъсиси нахустин рӯзномаи «Бухорои шариф» Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо намояндагони воситаҳои ахбори омма (ВАО) мулоқот анҷом дода, нақши ВАО-ро ҳамчун омили пешбарандаи ҷомеа дар таҳкими пояҳои давлатдории миллии мамлакат муҳим арзёбӣ намуда буданд.
«Дар ҳақиқат матбуот ва воситаҳои ахбори омма ба ташаккули афкори ҷомеа таъсири муқтадир ва муассир мерасонанд. Фаъолияти босамари матбуот, заҳматҳои қаламкашон, инъикоси воқеъбинонаи онҳо сабаби болоравии огаҳию худшиносӣ, маърифату ҷаҳонбинии мардум, ошкору ислоҳи камбудиҳои ҷомеа ва рушди давлатдорию пешравии кишварҳо мегардад», — гуфт С. Сиддиқ дар идома.
Дар фарҷоми маҷлис ба чор нафар кормандони АМИТ «Ховар» Акрамхоҷа Акбар, Холисаи Асомиддин, Рустам Ҷамилов ва Афшини Муқим (ДАР АКСИ ПОЁН) бо фармони Вазири фарҳанги Ҷумҳурии Тоҷикистон нишонҳои сарисинагии «Аълочии матбуоти Ҷумҳурии Тоҷикистон» супорида шуданд.
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
