Шуъбаи маорифи ноҳияи Дарвоз яке аз утоқҳои кориро ба китобхона табдил дод

Апрель 30, 2020 10:29

ХОРУҒ, 30.04.2020. /АМИТ «Ховар»/.  Шуъбаи маорифи ноҳияи Дарвоз дар яке аз утоқҳои бино китобхона ташкил кард, ки кормандони шуъба метавонанд дар лаҳзаҳои фориғ аз кор ба мутолиаи китоб машғул шаванд. Дар ин ҷо ҳам китобҳои илмию адабӣ ва ҳам соҳавию фаннӣ гирд оварда шудаанд.

Ҳарчанд дар маркази ноҳияҳо ва ҳар як деҳаи Вилояти Мухтори Кӯҳистони Бадахшон китобхона вуҷуд дорад, аммо ташкили китобхонаҳо дар идораву муассисаҳо аз аҳамияти хос бархурдор аст. Аз як сӯ  чунин китобхонаҳо бо дархости худи кормандон бо китобҳо, маҷаллаву рӯзнома ва дастуру санадҳои зарурии соҳаи маориф  таъмин карда мешаванд, аз сӯи дигар, кормандон барои дарёфти китобҳои зарурӣ  ниёз надоранд, ки ба китобхонаҳои дигар муроҷиат намоянд.

Мудири шуъбаи маорифи ин ноҳия Сунатулло Солеҳзода гуфт, ки Пешвои миллат дар Паёми навбатии худ ба масъалаи китобу китобдорӣ ва мутолиаи китоб таваҷҷуҳи бештар зоҳир намуда, иброз доштанд, ки «китобхонаҳо бояд ба маркази муҳими илму фарҳангӣ табдил дода шаванд, зеро китоб маҳсули ақлу заковати мардуми соҳибтамаддун ва яке аз муҳимтарин воситаҳои маърифатнок  кардани аҳли ҷомеа буда, доираи андешаву тафаккур ва ҷаҳонбинии инсонро васеъ ва инсонро ба роҳи дурусти зиндагӣ раҳнамун месозад».

Мудири маорифи ноҳия гуфт, ки як қисми ин китобҳоро Вазорати маориф ва илми ҷумҳурӣ ва қисми дигарашро худи кормандони шуъбаи маорифу омӯзгорони ноҳия ба китобхона тақдим кардаанд.

Ҳоло дар ин китобхона қариб 4 ҳазор нусха китоб гирд оварда шудаанд. Ба гуфтаи кормандони шуъбаи маориф, аз тарафи сокинони ноҳия супоридани китобҳо идома дорад.

Апрель 30, 2020 10:29

Хабарҳои дигари ин бахш

«КӮЧАИ УМЕД-612». Филми коргардони тоҷик Далер Имомалӣ ба Кинофестивали XVI байналмилалии Қазон даъват шуд
Дар Қалъаи Лағмони ноҳияи Ҷалолиддини Балхӣ якчанд ёдгории таърихӣ аз замони Сомониён дарёфт шуд
Гурӯҳи корӣ бо имкониятҳои қабулу хизматрасонии инфрасохтори сайёҳӣ дар ВМКБ шинос шуд
Муассисаи нашриявии «Ирфон» озмуни беҳтарин очерку мақолаҳо, мусоҳибаву шеърҳоро доир менамояд
«ОЗОДАПАЛАНГ — ДАРРАНДАЕ, КИ БА ҲИМОЯИ МОВУ ШУМО МУҲТОҶ АСТ». Дар нашриёти «Ирфон» бо ин ном китоб аз чоп баромад
Бостоншиносон дар Тоҷикистон ба тадқикоти мавзеи таърихии Қалъаи Лағмон оғоз карданд
«Ҳумои сулҳу Ваҳдати миллӣ», «Ҳазён ё талвосаи ҳасуду хоинони ватанфурӯш», «Яроқи биологӣ ва ҷанги идеологӣ»,…- шарҳи матбуоти даврии Тоҷикистон дар ҳафтаи равон ва сипаришуда
«КИТОБ – САРЧАШМАИ МАЪРИФАТ». Таҳти чунин унвон маҷмӯи мақолаҳои олимону муҳаққиқон нашр гардид
Макони баргузории ИМД ба муассисаҳои таҳсилоти миёна ва олии касбии Тоҷикистон дар соли 2020 тасдиқ гардид
Дар Суғд бахшида ба Рӯзи Ваҳдати миллӣ озмуни вилоятии «Рассоми ҷавон» гузаронида шуд
«ВАҲДАТ, ДАВЛАТ, ПРЕЗИДЕНТ». Дар арафаи ҷашни Ваҳдати миллӣ ҷилди 32-юми ин китоб аз чоп баромад
«Эмомалӣ Раҳмон ва модели тоҷикии ҳалли низоъҳои дохилӣ», — шарҳи матбуоти даврии Тоҷикистон дар ҳафтаи равон