Ташкилоти «Пешсаф» ба Вазорати тандурустӣ ва ҳифзи иҷтимоии аҳолӣ кумаки хайриявӣ намуд
ДУШАНБЕ, 29.04.2020 /АМИТ «Ховар»/. 28 апрел аз ҷониби Ташкилоти ҷамъиятии «Пешсаф» ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон 104 дона респиратор, 100 дона либосҳои муҳофизатии тиббӣ ҷиҳати пешгирии сирояти коронавирус тақдим карда шуд. Дар ин бора аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» хабар доданд.
Директори Ташкилоти ҷамъиятии «Пешсаф» Руслан Шукуров иброз доштааст, ки бо назардошти вазъи кунунии сирояти коронавирус, ки ҷомеаи ҷаҳониро ба ташвиш овардааст, онҳо тасмим гирифтанд бо мақсади пешгирии ин беморӣ маводи мазкурро ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тақдим намоянд.
Ин кумак дар доираи чаҳорчӯбаи Лоиҳаи Иттиҳоди Аврупо оид ба тозакунии ҷойҳои заҳролудшуда расонида шуд.
Ташкилоти ҷамъиятии «Пешсаф» соли 2001 таъсис дода шуда, ҳадафи он таъмин намудани сатҳи амнияти экологии Ҷумҳурии Тоҷикистон ва баланд бардоштани маърифати экологии шаҳрвандон мебошад.
Имсол ташкилоти мазкур дар се ноҳияи вилояти Хатлон- ноҳияҳои Абдураҳмони Ҷомӣ, Қубодиён ва Носири Хусрав бо истифода аз 1000 тонна моддаҳои заҳролуди бо хок омехташуда заминҳои ноҳияҳои болозикрро тоза намуд.
Ёдовар мешавем, ки имрӯзҳо аз ҷониби созмону ташкилоти байналмилалӣ ва ватанӣ ҷиҳати пешгирии сирояти коронавирус ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон кумакҳои хайриявии иборат аз молу мавод ва таҷҳизоти тиббӣ расонида шуда истодаанд.
Абдусалом Назаров дар боғаш 12 навъи зардолу парвариш менамояд
Дар доираи татбиқи «Барномаи рушди иқтисодию иҷтимоии ноҳияи Рашт барои солҳои 2021-2025» 256 иншоот сохта мешавад
Имрӯз дар шаҳри Душанбе ҳаво то 37 дараҷа гарм мешавад
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
