«АЛЛО, ЁРИИ ТАЪҶИЛӢ?..». Фаъолияти табибони «Ёрии таъҷилӣ» дар ҳолати паҳншавии коронавирус дар Душанбе
ДУШАНБЕ, 05.05.2020 /АМИТ «Ховар»/. Табибон ба шаҳрвандон тавсия медиҳанд, ки дар ҳолати пайдо намудани аломатҳои коронавирус (2019-nCoV) ҳатман ба хона «Ёри таъҷилӣ»-ро даъват намоянд. Зеро рафтани худи бемор ба шифохона метавонад чандин нафари дигарро зери хатари сироят қарор диҳад.
Дар бораи кори «Ёрии таъҷилӣ» дар вазъияти имрӯза дар шаҳри Душанбе хабарнигори АМИТ «Ховар» Елена БАТЕНКОВА гузориш медиҳад.
«Имрӯзҳо тамоми кормандони «Ёрии таъҷилӣ» дар ҳолати душвор, ба таври шабонарӯзӣ, аз андозаи имконият берун, қариб ки бе истироҳат кор мекунанд. Онҳо чун ҳамеша ба аҳолӣ кӯмаки аввал мерасонанд. То беҳбуд ёфтани вазъиёт чунин ҳолат идома хоҳад ёфт. Инро ҳам набояд фаромӯш кард, ки бо пайдо шудани коронавирус ва афзоиши зангҳои телефонӣ бемориҳои дигар низ аз байн нарафтаанд», — гуфт сардухтури ин хадамоти тиббӣ Бобохон АБДУРАҲИМЗОДА дар суҳбат бо мо.
Ӯ мегӯяд, ки дар тӯли 24 соати охир ба «Ёри таъҷилӣ» 137 шаҳрванд муроҷиат намуда, аз ин теъдод 37 нафар дар беморхонаҳо бистарӣ гаштаанд. « Шумораи зангҳои телефонӣ ба мисли рӯзҳои қаблианд , аммо шароит тағйир ёфтааст ва талабот ба кори табибон низ имрӯз дигар аст. Духтурони мо бори аввал бо шахсони гирифтори коронавирус дучор мешаванд. Имрӯз дар қатори беморон бо сактаи дил ва сактаи майна, ҳамчунин мубталоёни коронавирусро низ табобат мекунем»,- шарҳ медиҳад Бобохон Абдураҳимзода.
Ба хотири қадре осон кардани кори табибон, Бобохон Абдураҳимзода аз шаҳрвандон даъват ба амал меоварад, ки қоидаҳои лозимаро риоя созанд. Дар бораи ин тадбирҳо аллакай тамоми ВАО- и ватанӣ ва хориҷӣ дер боз таъкид менамоянд. «Риояи қоидаҳои беҳдошт, пӯшидани ҳатмии ниқобҳо, худдорӣ намудан аз рафтан ба ҷойҳои серодам, ҳамчунин истеъмоли ғизои солим на танҳо шарти асоси саломатии ҳар шахс, балки пирӯзӣ дар набард бо коронавирус мебошад. Ба ҳеҷ ваҷҳ ба табобати худсарона оғоз кардан лозим нест. Дар сурати пайдо шудани нахустин нишонаҳо дарҳол ба табибон муроҷиат бояд намуд, то аз анҷоми бад раҳо биёбем.» , — гуфт ӯ.
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
