Ба хотири таъмини солимии сокинон дар маркази Суғд корҳои тамизкунӣ пурзӯр гардидаанд

Май 19, 2020 10:09

ХУҶАНД, 19.05.2020. /АМИТ Ховар/. Имрӯзҳо ба хотири пешгирӣ аз бемории сироятии коронавирус, таъмини солимии сокинон ва беҳбуд бахшидан ба фазои экологӣ дар маркази вилояти Суғд- шаҳри Хуҷанд корҳои тамизгардонӣ пурзӯр гардонида шудаанд.

Ба иттилои хабарнигори АМИТ «Ховар», ин тадбирҳо то анҷом ёфтани паҳншавии бемории сироятии COVID-19 дар тамоми шаҳр идома хоҳанд ёфт.

Корҳои безараргардонӣ асосан шабона бо ҷалби кормандони воҳидҳои махсуси хадамоти оташнишонӣ, шуъбаи Раёсати кумитаи ҳолатҳои фавқулода ва мудофиаи граждании шаҳр, Маркази назорати давлатии санитарию эпидемиологӣ ва дигар сохторҳои шаҳрӣ бо сафарбаркунии мошинҳои махсус ва дастгоҳҳои безараргардонӣ нахуст дар ҷойҳои ҷамъшавии одамон, кӯчаву хиёбон, мавзеъҳои фароғатӣ, истгоҳҳои нақлиётӣ, бозорҳо, хосатан, дар ҳудуди кўчаҳои Исмоили Сомонӣ, Камоли Хуҷандӣ, Гагарин, Сирдарё, Раҳим Ҷалил, Рифъат Ҳоҷиев, Аминҷон Расулов, Шарқ, Фирдавсӣ, Саидвалиев, Истиқлол ва якчанд микроноҳияҳо роҳандозӣ гардиданд.

Ҳамарӯза дар маҳаллаҳову корхона ва муассисаҳои ҳудуди шаҳр бо мақсади амалӣ намудани чораҳои зиддиэпидемикӣ ҷиҳати пешгирии интиқол ва пайдоиши сирояти коронавирус корҳои фаҳмондадиҳӣ миёни  шаҳрвандон ба роҳ монда мешаванд.

Мақомоти иҷроияи ҳокимияти давлатии шаҳр ҳамзамон шаҳрвандонро даъват мекунад, ки бо мақсади пешгирӣ аз бемории коронавирус талаботи қоидаҳои беҳдоштиро пурра риоя намоянд,     худ ва атрофиёнро эҳтиёт намуда, бе зарурат ба кӯча набароянд.

Май 19, 2020 10:09

Хабарҳои дигари ин бахш

СОЛИ МАЪРИФАТИ ҲУҚУҚӢ. Дар Кумитаи ҳифзи муҳити зист дар ин мавзуъ ҳамоиш баргузор гардид
Теъдоди ҳалокшудагони ҳодисаи обхезӣ дар АМА ва Уммон ба 20 нафар расид
Шавкат Мирзиёев: «Тоҷикистон барои Узбекистон шарики боэътимоди стратегӣ ва дӯсти наздик дониста мешавад»
Имрӯз дар ноҳияҳои доманакӯҳи Тоҷикистон борони кӯтоҳмуддат пешгӯӣ мешавад
Тошканд пойтахти ҷавонони Иттиҳоди Давлатҳои Мустақил гардид
Таҷдиди неругоҳи «Қайроққум» бомаром идома дорад
Байни Донишгоҳи давлатии Кӯлоб ва панҷ донишгоҳи Узбекистон шартномаи ҳамкорӣ баста шуд
Оё Тоҷикистонро пешрафти рақамӣ интизор аст?
Дар шоҳроҳи Душанбе — Чанок теъдоди қуттиҳои махсус барои партов ба 70 адад расонида мешавад
Имрӯз дар Тоҷикистон ҳавои бебориш пешгӯӣ мешавад
Барои арзёбии таъсири эҳтимолии офатҳои табиӣ ба устувории қарзи Арманистон, Тоҷикистон ва Қирғизистон санади корӣ таҳия гардид
Бар асари обхезӣ дар Танзания 1000 нафар бе сарпаноҳ монд