Иштироки Вазири корҳои хориҷии Тоҷикистон дар чорабинии муштараки сатҳи баланд роҷеъ ба мавзӯи обу беҳдошт ва иқлим

Май 30, 2020 09:45

ДУШАНБЕ, 30.05.2020 /АМИТ «Ховар»/. 29 май Вазири корҳои хориҷии Ҷумҳурии Тоҷикистон Сироҷиддин Муҳриддин дар чорабинии муштараки сатҳи баланд зери унвони «Суръатбахшии татбиқи Рӯзномаи ҷаҳонии 2030 тавассути амалҳо дар соҳаҳои обёрӣ, беҳдошт ва иқлим» иштирок ва суханронӣ намуд.

Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, чорабинии муштараки сатҳи баланд бо ташаббуси намояндагиҳои доимии Канада, Финляндия, Венгрия, Япония, Кения, Нидерландия, Португалия, Сингапур, Тоҷикистон дар СММ ва Департаменти СММ оид ба масоили иқтисодӣ ва иҷтимоӣ ва дастгирии ниҳоди «СММ-Об» дар шакли видео-конфронс ташкил гардидааст.

Дар суханронии хеш Вазири корҳои хориҷии Тоҷикистон дар ростои паҳншавии бемории ҳамагири COVID-19 ва пайомадҳои он ба ҳаёти иқтисодиву иҷтимоии кишварҳо ва тағйирёбии иқлиму таъсири он ба олами ҳайвоноту наботот ҷиҳати татбиқи самараноки Ҳадафҳои рушди устувор барои давраи то соли 2030 ҳамаи ҷонибҳоро ба таҳкими ҳамкорӣ даъват намуд.

Сироҷиддин Муҳриддин инчунин ҳифзи захираҳои обии минтақа ва истифодаи сарфаракоронаи онҳоро муҳим хонда, диққати ширкаткунандагонро ба ташаббусҳои ҷаҳонии Пешвои миллат, Президенти Ҷумҳурии Тоҷикистон оид ба захираҳои обӣ, ки барои пешбурд ва татбиқи Ҳадафҳои рушди устувори марбут ба об мусоидат менамоянд, ҷалб намуд.

Гузашта аз ин, Вазири корҳои хориҷии Тоҷикистон самтҳои авлавиятноки ҳамкории давлати  моро дар доираи СММ қайд карда, бо таваҷҷуҳ ба вазъи эпидемиологӣ дар ҷаҳон ба зарурати тақвияти ҳамкориву шарокати ҷонибҳо дар ҳама соҳаҳо таъкид кард.

 

АКС аз ВКХ ҶТ

Май 30, 2020 09:45

Хабарҳои дигари ин бахш

Дар Душанбе ҷаласаи навбатии гурӯҳҳои кории топографии ҳайатҳои ҳукуматии Тоҷикистон ва Қирғизистон баргузор гардид
Имрӯз дар қароргоҳи ИДМ дар Минск ҷаласаи навбатии Шӯрои намояндагони доимӣ баргузор мешавад
Дар Давҳа бахшида ба 25-солагии Рӯзи Ваҳдати миллӣ ва 30-солагии Иҷлосияи XVI Шӯрои Олии Ҷумҳурии Тоҷикистон ҳамоиш баргузор гардид
Ҷо Байден номзадии Микаллерро ба мақоми сафири ИМА дар Тоҷикистон пешбарӣ намуд
Намояндагони кишварҳои узви ИДМ масъалаи ҳамкориро дар соҳаи таъмини амнияти иттилоотии байналмилалӣ баррасӣ карданд
Рассомони ҷавони озарбойҷонӣ дар нигораҳои худ табиат ва манзараҳои таърихии Тоҷикистонро инъикос мекунанд
Ҳайати расмии Тоҷикистон дар Рӯзҳои рушди Аврупо дар Брюссел ширкат намуд
Сироҷиддин Муҳриддин бо намояндаи махсуси Президенти Эрон оид ба умури Афғонистон вохӯрӣ намуд
Изҳори тасаллияти Ҳукумати Ҷумҳурии Тоҷикистон ба мардуми Афғонистон
Дар Вена намоиши маҳсулоти Тоҷикистон баргузор шуд
Тоҷикистон ва Туркия шумораи парвозҳоро миёни ду кишвар зиёд мекунанд
Роҳбари ширкати «Трафигура Групп» Ҷеремӣ Вейр: «Дар рушди манбаъҳои алтернативии энергия дар Тоҷикистон саҳм хоҳем гузошт»