СОVID-19. Дар Деваштич муовини Сарвазири мамлакат Ширин Исматуллозода бо роҳбарони муассисаҳои тандурустӣ мулоқот намуд
ДУШАНБЕ, 20.05.2020. /АМИТ Ховар/. Муовини Сарвазири Ҷумҳурии Тоҷикистон Ширин Исматуллозода дар ноҳияи Деваштич бо роҳбарони муассисаҳои тандурустӣ мулоқот анҷом дод. Дар ин бора аз мақомоти иҷроияи ҳокимияти давлатии вилояти Суғд ба АМИТ «Ховар» хабар доданд.
Нахуст сардухтури беморхонаи марказии ноҳияи мазкур оид ба пешгирии бемории коронавирус (СОVID-19) маълумоти муфассал пешниҳод намуд.
Зимни мулоқот муовини Сарвазири Ҷумҳурии Тоҷикистон Ширин Исматуллозода таъкид намуд, ки бо вуҷуди нисбатан кам будани мубталоёни бемории коронавирус дар ноҳия бояд аз ҷониби масъулини дахлдор оид ба пешгирии бемории СОVID-19 дар тамоми кӯчаю хиёбонҳои ноҳия корҳои безараргардонӣ боз ҳам пурзӯр карда шаванд. Имрӯзҳо аз тарафи Давлату Ҳукумат ва мақомоти маҳаллӣ маблағҳои зарурӣ барои мубориза бо ин беморӣ ҷудо карда шуда, ба беморхонаҳо ва марказҳои саломатии ноҳия маводи зарурӣ харидорӣ шудаанд. Ҳамзамон аз ҳисоби ҷавонон ва занҳо бояд гурӯҳи корӣ (волонтёрҳо) ташкил карда шавад, то ба духтурҳои оилавӣ ёрии амалӣ расонанд ва гардиши хона ба хонаро пурзӯр намоянд.
Дар ҷараёни ҷаласа ҳамзамон муовини якуми раиси Кумитаи кор бо занон ва оилаи назди Ҳукумати Ҷумҳурии Тоҷикистон Нигорахон Ғаффорзода, муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Азиз Одиназода ва раиси ноҳияи Деваштич Сулаймон Зиёзода сухан гуфтанд.
Сипас, гурӯҳи корӣ аз вазъи бунгоҳҳои тиббӣ, марказҳои саломатӣ ва беморхонаҳои ҳудуди ноҳия дидан намуда, барои боз ҳам беҳтар сохтани хизматрасонии тиббӣ ба аҳолӣ дастуру супоришҳо доданд.
Иттилоъ дода шуд, ки дар тамоми деҳаҳои ҳудуди ноҳия гурӯҳҳои ихтиёрии маҳаллӣ таъсис дода шуда, дар даромадгоҳҳои асосии ноҳия ва ҳудуди деҳаҳои ҷамоатҳои шаҳраку деҳот нуқтаҳои дидбонгоҳ ташкил карда шудаанд. Гурӯҳи ихтиёриён тозагӣ ва ҳифзи муҳити зистро назорат намуда, ҷиҳати истифодаи ниқобу дастпӯшакҳо, риояи қоидаҳои санитарӣ-гигиенӣ корҳои фаҳмонидадиҳӣ ба роҳ монда, безараргардонии нақлиёт ва бо тепловизор санҷидани ҳарорати бадани одамон гузаронида мешавад.
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Душанбе масоили кунунии мониторинги пиряхҳо дар Осиёи Марказӣ баррасӣ шуд
Кристин Мишел: «Дар масъалаи тағйирёбии иқлим ва ҳифзи пиряхҳо давлатҳои ҷаҳон бояд муттаҳид бошанд»
Лидия Брито: «ЮНЕСКО Эъломияи Душанбе оид ба ҳифзи пиряхҳоро дастгирӣ намуда, ҳамеша дар паҳлуи ҷомеаи ҷаҳонӣ қарор мегирад»
ДУШАНБЕ-МАРКАЗИ ҚАБУЛИ ҚАРОРҲОИ МУҲИМИ БАЙНАЛМИЛАЛӢ. Дар ҳошияи Конфронси байналмилалии сатҳи баланд оид ба ҳифзи пиряхҳо
Дар Душанбе хатари офатҳои табиии марбут ба пиряхҳоро баррасӣ намуданд
Дар доираи Конфронси байналмилалии сатҳи баланд оид ба ҳифзи пиряхҳо масоили об ва иқлим баррасӣ гардид
