Тоҷикобод: панҷ коргоҳи дӯзандагӣ бо нархи арзон ба аҳолӣ ниқоби муҳофизатӣ пешниҳод намуданд

Май 13, 2020 16:30

ТОҶИКОБОД, 13.05.2020 /АМИТ «Ховар»/. Дар ноҳияи Тоҷикобод 5 коргоҳи дӯзандагӣ ба дӯхтани ниқобҳои  муҳофизатӣ машғуланд, ки то имрӯз ба  сокинони ноҳия зиёда аз 20 ҳазор дона  ниқоб  бо нархи 2 сомонӣ пешниҳод намудаанд. Дар асоси супориши раиси ноҳия  коргоҳҳои дӯзандагӣ вазифадор гардидаанд, ки  барои пешгирии сокинон аз сироятёбӣ истеҳсоли ниқобҳоро бештар ба роҳ монда, аҳолиро бо ниқобҳои сифатан хуб ва арзони  тиббӣ таъмин намоянд.

Ин нукта зимни баргузории маҷлиси ситоди ноҳиявӣ оид ба андешидани тадбирҳои иловагӣ вобаста ба  пешгирии бемории коронавируси  COVID-19 иброз гардид. Зимни маҷлис раиси ноҳияи Тоҷикобод Ҳамидулло Маҳмадшозода оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти ин беморӣ ба масъулин супоришҳои қатъӣ дода, гуфт, ки “ҳоло ин бемории марговар дар тамоми олам паҳн гардида, то ба давлати мо низ омада расидааст. Ин ҳолат бояд ягон фарди ҷумҳуриро ором нагузорад ва мо низ чун дигар мардуми дунё  бо истифода аз тамоми имконот дар баробари ин вабои аср истодагарӣ намуда, бо риояи бечунучарои қоидаҳои санитарӣ ва худмуҳофизатӣ бояд худ ва дигаронро муҳофизат намоем”.

Зикр шуд, ки дар  ноҳияи Тоҷикобод бо иштироки кормандони маркази профилактикӣ, шуъбаи Хадамоти давлатии оташнишониии ВКД ва  Маркази назорати давлатии санитарию эпидемиологӣ дар ҳамдастӣ бо дигар ниҳодҳо бо истифода аз техникаҳо кӯчаю хиёбонҳо, корхонаву муассисаҳо, ҷойҳои ҷамъиятӣ ва роҳҳои мошингарду пиёдагард  бо маҳлулҳои «Алмадез», гипохлориди натрий ва хокаи хлор безарар гардонида шуда, дар байни аҳолӣ мунтазам корҳои фаҳмондадиҳӣ идома доранд.

Май 13, 2020 16:30

Хабарҳои дигари ин бахш

ОМОДАГӢ БА ЗИМИСТОН. Дар ноҳияи Мурғоб миқдори зарурии ғалла ва маҳсулоти мавриди ниёзи аввали аҳолӣ захира шудааст
АГЕНТИИ ОБУҲАВОШИНОСӢ. Дар нимаи дуюми моҳи октябр дар Тоҷикистон борони бошиддат меборад
ОБУ ҲАВО: Имрӯз дар баъзе ноҳияҳои Тоҷикистон тӯфон ва чангу ғубор ба амал меояд
ОБУ ҲАВО: Имрӯз дар Тоҷикистон ҳавои камабри бебориш дар назар аст
ОБУ ҲАВО: Имрӯз дар Душанбе ҳаво рӯзона 31+33 дараҷа гарм мешавад
ОБУ ҲАВО: Имрӯз дар Тоҷикистон ҳаво рӯзона то 36 дараҷа гарм мешавад
ОБУ ҲАВО: Имрӯз дар Тоҷикистон ҳавои камабри бебориш дар назар аст
«Ҳамсоядорӣ. Аз иғвоангезии навбатии Қирғизистон кӣ суд мебарад?!», «Хуни шаҳидон бар гардани кист?!», — шарҳи матбуоти даврии Тоҷикистон
Ҷаласаи XXV Шӯрои байниҳукуматӣ оид ба иктишоф, истифода ва ҳифзи қаъри замини давлатҳои узви ИДМ доир гардид
ОБУ ҲАВО: Имрӯз дар Тоҷикистон ҳаво рӯзона то 36 дараҷа гарм мешавад
ҚУРБИ АСЪОР: 1 доллари ИМА аз 10.2361 то 10.1000 сомонӣ муқаррар шудааст
Ҷаласаи Шӯрои сарони ҳукуматҳои кишварҳои узви СҲШ 1 ноябр доир мегардад