Раиси шаҳри Душанбе Рустами Эмомалӣ дар мақомоти иҷроияи ҳокимияти давлатии пойтахт ва ноҳияҳои он як қатор тағйироти кадрӣ ба амал овард

Июнь 19, 2020 20:44

ДУШАНБЕ, 19.06.2020. /АМИТ «Ховар»/. Имрӯз Раиси  шаҳри Душанбе муҳтарам Рустами Эмомалӣ  дар розигӣ бо Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳайати роҳбарикунандаи ноҳияҳои шаҳри Душанбе ва дигар сохтору мақомоти шаҳрӣ тағйироти кадрӣ амалӣ намуда, бо ин мақсад кадрҳои ба мансабҳои масъул таъйингардидаро барои суҳбат ба ҳузур пазируфтанд. Дар ин бора АМИТ «Ховар» бо истинод ба Раёсати иттилоот ва робитаҳои хориҷии дастгоҳи Раиси шаҳри Душанбе хабар медиҳад.

Мутобиқи моддаи 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» бо розигии Президенти Ҷумҳурии Тоҷикистон муҳтарам Эмомалӣ Раҳмон   Сафаров Шарифхон Нураҳмадович ба мансаби муовини якуми Раиси ноҳияи Исмоили Сомонӣ, Мусозода Илҳом Хол ва Шарифзода Наргис Достӣ ба мансаби муовинони Раиси ноҳияи Исмоили Сомонӣ таъин гардида, Ҳаётзода Бозоралӣ Ҷаббор бо сабаби ба кори дигар гузаштан аз мансаби муовини аввал, Сафарбекзода Шарофиддин Сафарбек ва Табарӣ Мавҷуда Ҳабибулло аз мансаби муовинони Раиси ноҳияи Исмоили Сомонӣ бинобар ба кори дигар гузаштан озод гардиданд.

Ҳамзамон Аловиддинов Шодимурод Уроқович ба мансаби муовини якуми Раиси ноҳияи Фирдавсӣ, Раҷабов Абдулазиз Ваҳобович ва Шукурова Саодат Нусратуллоевна ба мансаби муовинони Раиси ноҳияи Фирдавсӣ таъин гардида, Хушзода Шералӣ Содиқ аз мансаби муовини якум, Маҳмудиён Нозилшоҳ Ҳаким ва Маҳмадзода Назокат Киромиддин аз мансаби муовинони Раиси ноҳияи Фирдавсӣ бинобар ба кори дигар гузаштан озод карда шуданд.

Ҳамчунин Қодирзод Руслан Раҷаб, Исматов Исуф Қузратович ва Каримова Ашурбӣ Одинаевна ба мансаби муовинони Раиси ноҳияи Сино таъин шуда, Саидмуминзода Аббос, Гулов Зафар Шамсуддинович ва Маҳмуродзода Муҳаррам Бурӣ аз мансаби муовинони Раиси ноҳияи Сино бинобар ба кори дигар гузаштан озод гардиданд.

Бо қарорҳои Раиси шаҳр Саидмуминзода Аббос ба мансаби сардори Раёсати иқтисод, молия ва ояндабинии дастгоҳи Раиси шаҳри Душанбе, Зуҳурова Зарина ба мансаби сардори Раёсати кор бо занон ва оила, Ҳаётзода Бозоралӣ Ҷаббор директори Корхонаи воҳиди давлатии «Маркази ҷавонон» ва Гулзода Зафар Шамсуддин директори Корхонаи воҳиди давлатии «Баҳодиҳӣ» (нархгузорӣ)-и мақомоти иҷроияи ҳокимияти давлатии шаҳри Душанбе таъин карда шуданд.

Дар ҷараёни мулоқот Раиси шаҳри Душанбе кадрҳои ба мансабҳои роҳбарӣ дар ноҳияҳо таъйиншударо ба хизмати поквиҷдонона ва азму иродаи қавӣ дар иҷрои вазифаҳои давлатӣ ҳидоят намуданд.

Раиси шаҳр таъкид намуданд, ки шарафёб гардидан ба боварии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон натиҷаи заҳматҳои аҳлона ва содиқона дар ҳокимияти иҷроияи маҳаллӣ буда, тағйиротҳои кадрӣ ба хотири беҳбудии кори соҳаҳо амалӣ карда мешаванд.

Аз ин лиҳоз барои беҳтар гардонидани сифатнокии корҳо баҳри ноил гаштан ба натиҷаҳои назаррас таваҷҷуҳи ҳозирин ба баланд бардоштани сифати таълиму тарбия дар муассисаҳо, тақвият бахшидани  корҳои фаҳмондадиҳӣ ва пешгирии гаравидани ҷавонон ба ҳизбу ҳаракатҳои ифротӣ, баланд бардоштани сатҳи касбияти кормандон,  пурзӯр намудани корҳои назоратӣ дар самти сохтмонҳои ғайриқонунӣ ва бе иҷозати дахлдор оғоз кардани корҳои сохтмонӣ, назорати дурусти риояи меъёрҳои меъмориву сохтмонӣ дар ҳама гуна сохтмонҳо сарфи назар аз мансубият, иҷроиши босифати нақшаи андоз, ҷалби сармояи ватаниву хориҷӣ, роҳ надодан ба амалҳои коррупсионӣ, муомилаи хуб намудан бо кормандон, назорат ва тақвияти корҳои ободониву созандагӣ ба истиқболи 30 солагии истиқлолияти давлатӣ, беҳтар ба роҳ мондани кори низоми билингии хизматрасониҳои коммуналӣ, назорати риояи меъёрҳои беҳдоштӣ дар ҳама гуна нуқтаҳои хизматрасонӣ сарфи назар аз мансубияту тобеият равона гардид.

Раиси шаҳр изҳори итминон намуданд, ки кадрҳои ба мансабҳои давлатӣ таъйингардида, баҳри муҳайё кардани шароити арзанда ба сокинону меҳмонон ва ба яке аз пойтахтҳои муосиру замонавӣ табдил додани шаҳри Душанбе тамоми нерую дониш ва малакаи худро равона сохта, ба халқу давлат содиқона хизмат хоҳанд кард.

Июнь 19, 2020 20:44

Хабарҳои дигари ин бахш

«ДУШАНБЕ — ШАҲРИ ҲУШМАНД». «Ҳафтаи илм, технология, инноватсия ва ихтироъкории наврасону ҷавонон оғоз гардид
Озмуни «Беҳтарин акси шаҳри Душанбе» оғоз шуд
«БЕҲТАРИН РОЛИКИ САЙЁҲИИ ШАҲРИ ДУШАНБЕ». Бо мақсади тарғибу ташвиқи имконоти сайёҳии пойтахт озмун оғоз ёфт
Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе Рустами Эмомалӣ бо Директори идории Хазинаи Байналмилалии Асъор Кристалина Георгиева мулоқот намуданд
Дар Душанбе масъалаи амалӣ намудани лоиҳаи системаи зеҳнии нақлиёт баррасӣ гардид
«МАЙДОНИ ИСТИҚЛОЛ». Ин иншооти муҳташам ва сайёҳии шаҳри Душанбе аст, ки дили сокинону меҳмонони пойтахтро тасхир кардааст
«ҲУНАР БЕҲТАР АЗ ЗАР БУВАД». Дар Душанбе Фестивали ҳунармандон баргузор мегардад
Ҷаласаи Шурои ҳамоҳангсози фаъолияти соҳаи сайёҳӣ дар Душанбе баргузор гардид
«ОИЛАИ НАМУНАВӢ». Дар Душанбе даври шаҳрии озмун баргузор гардид
«ФАХР ДОРАМ, ТОҶИКАМ МАН, ИФТИХОРАМ ТОҶИКИСТ». Таҳти чунин унвон ҳамоиши фарҳангӣ доир гардид
Дар Душанбе бо мақсади тавсеаи фаъолият дар самти кор бо занон ва оила ҷаласаи сайёр баргузор шуд
Бо қарори Раиси шаҳри Душанбе омодагӣ ба ташкили истироҳати кӯдакону наврасон оғоз гардид