Гурӯҳҳои ташвиқотӣ вобаста ба пешгирӣ аз паҳншавии сирояти COVID-19 дар Душанбе корҳои таблиғотӣ-фаҳмондадиҳӣ мегузаронанд

Июнь 3, 2020 17:07

ДУШАНБЕ, 03.06.2020. /АМИТ «Ховар»/. Бо ташаббуси мақомоти иҷроияи ҳокимияти давлатии шаҳри Душанбе ҷиҳати анҷоми корҳои фаҳмондадиҳӣ миёни аҳолӣ вобаста ба пешгирӣ аз паҳншавии сирояти ҳамагири коронавирус  — COVID-19, иҷрои қоидаҳои беҳдоштӣ, аз ҷумла истифодаи ниқобҳои яккарата, риояи фосилаи иҷтимоӣ ва бе зарурат аз хона набаромадан гурӯҳҳои корӣ таъсис дода шудаанд.

Тавре ба АМИТ «Ховар» аз Раёсати иттилоот ва робитаҳои хориҷии дастгоҳи Раиси шаҳри Душанбе хабар доданд, гурӯҳҳои корӣ дар асоси дастури Раиси шаҳри Душанбе Рустами Эмомалӣ аз ҳисоби намояндагони сохторҳои марбутаи мақомоти иҷроияи ҳокимияти давлатии шаҳри Душанбе, ноҳияҳо ва ҷавонон (волонтёрон) ҷиҳати бурдани корҳои фаҳмондадиҳӣ миёни аҳолӣ — дар ҷойҳои ҷамъиятӣ, бозорҳо, боғҳои фарҳангию фароғатӣ, майдончаҳои варзишӣ ва бозии кӯдакона вобаста ба пешгирӣ аз паҳншавии сирояти ҳамагири коронавирус — COVID-19 ва истифодаи ниқобҳои яккарата, инчунин риояи фосилаи иҷтимоӣ ташкил гардидаанд.

Дар ин замина, нахуст мулоқоти роҳбарияти шаҳри Душанбе бо роҳбарони гурӯҳҳои корӣ доир гардида, ҷиҳати корбарии муташаккилона ва дар сатҳи зарурӣ ба роҳ мондани фаъолияти ҳамгироӣ дастурҳои мушаххас дода шуданд.

Дар маҷмӯъ, дар чор ноҳияи шаҳри Душанбе 45 гурӯҳи таблиғотӣ-фаҳмондадиҳӣ иборат аз 235 нафар кормандони соҳаҳои гуногуни шаҳрдорӣ ташкил шуда, ба маҳаллҳои сернуфуз ва ҷойҳои ҷамъшавии одамон сафарбар гардидаанд.

Дар рӯзи аввали кори гурӯҳҳои фаҳмондадиҳӣ дар чор ноҳияи пойтахт дар маҷмӯъ бо 1790 нафар аҳолӣ-намояндагони табақаҳои гуногуни ҷомеа, ки дар кӯчаву хиёбонҳои пойтахт ва бозору марказҳои савдо бе ниқобҳои яккарата гаштугузор мекарданд, ҷиҳати пешгирӣ аз сирояти ҳамагири коронавирус — COVID-19 корҳои таблиғотӣ-фаҳмондадиҳӣ сурат гирифта, ба онҳо оид ба риояи қоидаҳои гигиенаи шахсӣ дар ҷойҳои ҷамъиятӣ, истифодаи ниқобҳои муҳофизатӣ, роҳҳои пешгирӣ ва табобати беморон дар шароити хона ва дигар масъалаҳои марбут ба пешгирӣ аз сирояти коронавирус — COVID-19 маслиҳатҳои муфид дода шуд.

Бояд тазаккур дод, ки аъзои гурӯҳ рӯзи нахустини фаъолият — 2 июн дар доираи корҳои фаҳмондадиҳӣ ба 1790 нафар шаҳрвандон ниқобҳои муҳофизатии яккарата ва маводи таблиғотӣ — тавсияҳои Созмони Умумиҷаҳонии Тандурустӣ ва мутахассисони мамлакатро оид ба риояи қоидаҳои пешгирӣ аз паҳншавии сирояти ҳамагири коронавирус — COVID-19 тақдим карданд.

Мақомоти иҷроияи ҳокимияти давлатии шаҳри Душанбе аз ҳамаи сокинон ва меҳмонони пойтахт эҳтиромона даъват ба амал меорад, ки масъалаҳои истифодаи ниқобҳои яккарата, маҳлулҳои безараркунанда (антисептик) ва фосилаи иҷтимоиро дар ҷойҳои ҷамъиятӣ риоя намуда, бе зарурат аз хона набароянд.

Фаъолияти гурӯҳҳои корӣ дар ин самт идома дорад.

Июнь 3, 2020 17:07

Хабарҳои дигари ин бахш

Дар баъзе шаҳраку маҳаллаҳои ноҳияи Синои шаҳри Душанбе интиқоли оби нӯшокӣ муваққатан қатъ мегардад
Имрӯз иҷлосияи ҳаждаҳуми Маҷлиси вакилони халқи шаҳри Душанбе, даъвати шашум доир гардид
Имрӯз иҷлосияи ҳаждаҳуми Маҷлиси вакилони халқи шаҳри Душанбе, даъвати шашум баргузор мегардад
ОМОДАГӢ БА СОЛИ НАВИ ХОНИШ. Аз 1 август дар Душанбе намоиш- фурӯши либос ва лавозимоти мактабӣ оғоз мегардад
Пагоҳ иҷлосияи ҳаждаҳуми Маҷлиси вакилони халқи шаҳри Душанбе, даъвати шашум баргузор мегардад
Пагоҳ дар Душанбе даври ниҳоии Озмуни ҷумҳуриявӣ «Ҳунар омӯз…» доир мешавад
Дар Австрия чойхонаи тоҷикӣ баъд аз таъмиру навсозӣ ба истифода дода шуд
Дар Душанбе даври шаҳрии Фестивали яхмос, дӯғоб, шарбати мева ва обҳои ташнагишикан доир шуд
Иҷлосияи ҳаждаҳуми Маҷлиси вакилони халқи шаҳри Душанбе, даъвати шашум баргузор мегардад
ТАВАҶҶУҲ! Аз 2 то 6 июл дар Душанбе маҳдудияти муваққатии ҳаракати воситаҳои нақлиёт ҷорӣ карда мешавад
35-СОЛАГИИ ИСТИҚЛОЛРО БО ДАСТОВАРДҲОИ БЕНАЗИР ИСТИҚБОЛ МЕГИРЕМ! Ҳамоиши идона дар Мақомоти иҷроияи ҳокимияти давлатии шаҳри Душанбе
Шурои соҳибкорзанони Мақомоти иҷроияи ҳокимияти давлатии шаҳри Душанбе ташкил ва баргузор гардид