Кумитаи бехатарии озуқаворӣ маҳсулоти воридшавандаро зери назорати ҷиддӣ қарор додааст
ДУШАНБЕ, 26.06.2020 /АМИТ «Ховар»/. Аз 24 то 26 июн дар Кумитаи бехатарии озуқавории назди Ҳукумати Ҷумҳурии Тоҷикистон семинари омӯзишӣ оид ба қонунгузории соҳаи фитосанитарӣ ва карантини растанӣ доир намуд, хабар медиҳад АМИТ «Ховар» бо истинод ба маркази матбуоти ин Кумита.
Дар кори семинар намояндагони Кумитаи бехатарии озуқавории назди Ҳукумати Ҷумҳурии Тоҷикистон, нуқтаҳои назорати бехатарии озуқаворӣ дар сарҳади давлатӣ, соҳаи нақлёт, вилояти Хатлон ва ШНТҶ иштирок намуда, доир ба пешгирӣ кардани воридшавии маҳсулоти пастсифатро дар қаламрави мамлакат мавриди баррасӣ қарор доданд.
Мавриди зикр аст, ки яке аз самтҳои асосии фаъолияти Кумитаи бехатарии озуқаворӣ ва дигар зерсохторҳои он, аз таъмини бехтарии маҳсулоти озуқаворӣ, ташхису назорати он бо мақсади ҳимояи ҳуқуқи истеъмолкунандагон иборат мебошад. Зеро мақсад аз таъсис додани Кумитаи бехатарии озуқаворӣ дар назди Ҳукумати Ҷумҳурии Тоҷикистон маҳз ҳалли ҳамин мушкилот, ҳамоҳангии санҷишҳо, сарфаи маблағҳои буҷет ва кам гардидани монеаҳо барои фаъолияти соҳибкорӣ ва ҳамчунин пешгирӣ намудани фаъолияти соҳибкоронест, ки мехоҳанд бо роҳу воситаҳои гуногун ба мамлакат маҳсулоти пастсифати озуқаворӣ ворид намоянд.
Ҳамчунин дар семинар ба кормандони нуқтаҳои бехатарии озуқаворӣ дар сарҳад ва нақлиёт супориш дода шуд, ки тамоми маҳсулоти воридшавандаро зери назорати ҷиддӣ қарор диҳанд. Инчунин истифодаи таҷҳизоти замонавии мазкурро, ки дар марказҳои ташхис ва нуқтаҳои назорати давлатии бехатарии озуқаворӣ дар гузаргоҳҳои сарҳадӣ маҳсулоти озуқаворӣ, хусусан маҳсулоти гӯштӣ ва ширӣ мавриди ташхиси саривақтии дақиқ қарор дода шаванд.
Кумитаи бехатарии озуқаворӣ барои боз ҳам тақвият бахшидан ба фаъолияти мақомоти бехатарии озуқаворӣ, ислоҳи камбудиҳои соҳа ва иҷрои пурраи дастуру супоришҳои давлату Ҳукумати Ҷумҳурии Тоҷикистон тамоми захираю имкониятҳои мавҷударо сафарбар намуда, барои расидан ба ҳадафи стратегии Ҳукумати мамлакат –таъмини амнияти озуқаворӣ саҳми назаррас мегузорад.
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
