Кумитаи бехатарии озуқаворӣ маҳсулоти воридшавандаро зери назорати ҷиддӣ қарор додааст
ДУШАНБЕ, 26.06.2020 /АМИТ «Ховар»/. Аз 24 то 26 июн дар Кумитаи бехатарии озуқавории назди Ҳукумати Ҷумҳурии Тоҷикистон семинари омӯзишӣ оид ба қонунгузории соҳаи фитосанитарӣ ва карантини растанӣ доир намуд, хабар медиҳад АМИТ «Ховар» бо истинод ба маркази матбуоти ин Кумита.
Дар кори семинар намояндагони Кумитаи бехатарии озуқавории назди Ҳукумати Ҷумҳурии Тоҷикистон, нуқтаҳои назорати бехатарии озуқаворӣ дар сарҳади давлатӣ, соҳаи нақлёт, вилояти Хатлон ва ШНТҶ иштирок намуда, доир ба пешгирӣ кардани воридшавии маҳсулоти пастсифатро дар қаламрави мамлакат мавриди баррасӣ қарор доданд.
Мавриди зикр аст, ки яке аз самтҳои асосии фаъолияти Кумитаи бехатарии озуқаворӣ ва дигар зерсохторҳои он, аз таъмини бехтарии маҳсулоти озуқаворӣ, ташхису назорати он бо мақсади ҳимояи ҳуқуқи истеъмолкунандагон иборат мебошад. Зеро мақсад аз таъсис додани Кумитаи бехатарии озуқаворӣ дар назди Ҳукумати Ҷумҳурии Тоҷикистон маҳз ҳалли ҳамин мушкилот, ҳамоҳангии санҷишҳо, сарфаи маблағҳои буҷет ва кам гардидани монеаҳо барои фаъолияти соҳибкорӣ ва ҳамчунин пешгирӣ намудани фаъолияти соҳибкоронест, ки мехоҳанд бо роҳу воситаҳои гуногун ба мамлакат маҳсулоти пастсифати озуқаворӣ ворид намоянд.
Ҳамчунин дар семинар ба кормандони нуқтаҳои бехатарии озуқаворӣ дар сарҳад ва нақлиёт супориш дода шуд, ки тамоми маҳсулоти воридшавандаро зери назорати ҷиддӣ қарор диҳанд. Инчунин истифодаи таҷҳизоти замонавии мазкурро, ки дар марказҳои ташхис ва нуқтаҳои назорати давлатии бехатарии озуқаворӣ дар гузаргоҳҳои сарҳадӣ маҳсулоти озуқаворӣ, хусусан маҳсулоти гӯштӣ ва ширӣ мавриди ташхиси саривақтии дақиқ қарор дода шаванд.
Кумитаи бехатарии озуқаворӣ барои боз ҳам тақвият бахшидан ба фаъолияти мақомоти бехатарии озуқаворӣ, ислоҳи камбудиҳои соҳа ва иҷрои пурраи дастуру супоришҳои давлату Ҳукумати Ҷумҳурии Тоҷикистон тамоми захираю имкониятҳои мавҷударо сафарбар намуда, барои расидан ба ҳадафи стратегии Ҳукумати мамлакат –таъмини амнияти озуқаворӣ саҳми назаррас мегузорад.
Гули шукуфта рамзи Соли ҳаракати ихтиёриёни ИДМ гардид
Дар партави Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф конференсияи илмӣ-амалӣ гузаронида шуд
Корхонаи бофандагии «Пиллаи тоҷик» аз абрешим атласу адраси аълосифат истеҳсол менамояд
Гурӯҳҳои корӣ дар ноҳияи Варзоб ба сокинони ҷамоатҳои шаҳраку деҳот иҷрои қонунҳои миллиро мефаҳмонанд
Имрӯз дар Тоҷикистон ҳавои тағйирёбандаи бебориш дар назар аст
Дар ҷамоатҳои шаҳру деҳоти Кӯлоб ҳашари тозагӣ гузаронида шуд
Роҳи байнишаҳрии Ҳисор-Айнӣ-Душанбе таъмир карда мешавад
СММ: 800 ҳазор нафар дар Ал-Фашир зери хатари ниҳоят шадид қарор доранд
Ҷаласаи навбатии гурӯҳи коршиносони давлатҳои аъзои СҲШ оид ба амнияти байналмилалии иттилоотӣ доир гардид
Сокинони беш аз 15 ҳазор манзил дар шимоли Уганда аз обхезиҳо зарар диданд
Бар асари борони сел дар Чин 11 нафар бедарак шудаанд
Хадамоти алоқаи Тоҷикистон: «Ширкатҳои мобилӣ бояд суръати интернетро баланд бардоранд, на нархи интернет ва алоқаи мобилиро»
