ТАВАҶҶУҲ! Ҷадвали парвозҳои чартерӣ барои марҳила ба марҳила баргардонидани шаҳрвандони Тоҷикистон аз Россия маълум шуд

Июнь 25, 2020 18:43

ДУШАНБЕ, 25.06.2020 /АМИТ «Ховар»/. Аз 25 июн саркарда марҳила ба марҳила баргардонидани шаҳрвандони Тоҷикистон тариқи парвозҳои чартерӣ аз шаҳрҳои Москва, Санкт-Петербург, Қазон, Новосибирск ва Екатеринбурги Федератсияи Россия оғоз мегардад, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.

Вазорати корҳои хориҷии Тоҷикистон хабар медиҳад, ки парвозҳои чартерӣ тибқи ҷадвали зерин, ки бо мақомоти дахлдори Россия  ҳамоҳанг шудаанд, сурат мегиранд:

25 июни 2020 бо хатсайри Душанбе – Москва – Душанбе, ширкати «Тоҷик Эйр»;

26 июни 2020 бо хатсайри Душанбе – Қазон – Душанбе, ширкати «Тоҷик Эйр»

30 июни 2020 бо хатсайри Душанбе – Новосибирск – Душанбе, ширкати «Сомон Эйр».

1 июли 2020 бо хатсайри Душанбе – Москва – Душанбе, ширкати «Сомон Эйр».;

6 июли 2020 бо хатсайри Душанбе – Санкт-Петербург – Душанбе, ширкати «Сомон Эйр».;

7 июли 2020 бо хатсайри Душанбе – Екатиринбург – Душанбе, ширкати «Тоҷик Эйр»

13 июли 2020 бо хатсайри Душанбе – Москва – Душанбе, ширкати «Тоҷик Эйр»

14 июли 2020 бо хатсайри Душанбе – Москва – Душанбе, ширкати «Сомон Эйр».

«Дар раванди анҷом додани чунин парвозҳо авлавият ба табақаҳои осебпазир, пеш аз ҳама беморон, занону кӯдакони хурдсол, пиронсолон, донишҷӯён, инчунин шахсоне, ки ба сафари хидматӣ ба Россия рафта буданд, дода мешавад», — таъкид намуданд дар Вазорати корҳои хориҷии Тоҷикистон.

Инчунин, тибқи дастури Ситоди ҷумҳуриявӣ оид ба пешгирӣ аз паҳншавии бемории COVID-19 масъалаи барқарор намудани парвозҳои доимӣ ба/аз Русия, Туркия ва Чин аз ҷониби мақомоти марбута мавриди баррасӣ қарор дорад.

Июнь 25, 2020 18:43

Хабарҳои дигари ин бахш

109 шаҳрванди Тоҷикистон аз Украина ба Ватан оварда шуданд
Дар Душанбе масъалаҳои муносиботи дуҷонибаи Тоҷикистону Фаластин баррасӣ гардиданд
261 шаҳрванди Тоҷикистон аз Қазоқистон ба Ватан оварда шуданд
Зиёда аз 240 шаҳрванди Тоҷикистон аз кишварҳои Аврупо ва Америка ба Ватан оварда шуданд
Сироҷиддин Муҳриддин бо Одил ал-Ҷубайр суҳбати телефонӣ анҷом дод
Консули генералии Тоҷикистон дар Екатеринбург Зафар Сайидзода бо Губернатори вилояти Свердловск Евгений Куйвашев мулоқот намуд
Имсол қарор аст давраи раёсати солонаи Тоҷикистон дар СҲШ ва СААД оғоз гардад-бардошт аз нишасти матбуотӣ
Вазири корҳои хориҷӣ: «Бо ба эътидол омадани вазъи ҳамагирии СOVID-19 286 шаҳрванди Тоҷикистон аз Сурия ба Ватан оварда мешаванд»
Сироҷиддин Муҳриддин: «Зиёда аз 16 ҳазор нафар шаҳрвандони Тоҷикистон ба Ватан баргардонида шуданд»
Ёдгор Файзов ва Муҳаммад Зоҳир Ағбар барои тақвияти ҳамкории дуҷониба мулоқоти судманд анҷом доданд
Мулоқоти муовини якуми Вазири корҳои хориҷии Тоҷикистон бо Сафири Чин дар Душанбе
ТАВАҶҶУҲ! Парвози махсуси ширкати ҳавопаймоии «Сомон Эйр» дар масири Франкфурт — Душанбе ба нақша гирифта шудааст