Бонки миллӣ: Соли равон қурби сомонӣ нисбат ба доллари амрикоӣ тағйирёбии муътадил дошт

Июль 22, 2020 13:00

ДУШАНБЕ, 22.07.2020. /АМИТ «Ховар»/. Соли равон дар Тоҷикистон  реҷаи қурбии  «шинокунандаи танзимшаванда»  бе муйян ва эълон кардани  ҳудудҳои тағйирёбии қурб идома  дода шуда,  қурби сомонӣ нисбат ба доллари амрикоӣ тағйирёбии  муътадил дошта, қурби расмии он (қурби миёнавазни хариду фурӯши доллари амрикоӣ  дар бозорҳои байнибонкӣ ва дохилибонкӣ) 6,4 фоиз  коҳиш ёфтааст, ки нисбат ба ҳамин давраи соли гузашта 6,3 банди фоизӣ зиёд мебошад.

Раиси Бонки миллии Тоҷикистон Ҷамшед Нурмаҳмадзода имрӯз дар нишасти хабарӣ зимни тавзеҳи вазъи макроиқтисодӣ ва фаъолияти низоми бонкии Ҷумҳурии Тоҷикистон дар шашмоҳаи якуми соли 2020 ба доираи намояндагони расонаҳои хабарии ватанӣ ва хориҷӣ гуфт, ки қурби нақдӣ (қурби фурӯши доллари нақди амрикоӣ дар бозори ғайрибонкӣ) дар ҳамин давра 8,7 фоиз баланд шудааст, ки ин нисбат ба ҳамин давраи соли гузашта 7,9 банди фоизӣ зиёд мебошад. Фарқияти байни қурби расмӣ ва қурби фурӯши доллари нақди амрикоӣ 30 июни соли равон ба 3,3 фоиз баробар шудааст.

Ҷамшед Нурмаҳмадзода афзуд, ки ин тағйирёбӣ таҳти таъсири равандҳои иқтисодию молиявии ҷаҳон ва минтақа, бахусус давлатҳои  шарикони асосии тиҷоратӣ сурат гирифтааст. Зеро бо назардошти вазъи номуътадили  иқтисоди ҷаҳонӣ, ки пандемияи COVID-19 ба он таъсири манфӣ расонид,  дар ин давра  қурби расмии  асъори миллии аксар кишварҳои шарикони асосии тиҷоратии Тоҷикистон низ раванди коҳишёбӣ дошт.

Ҷамшед Нурмаҳмадзода зикр кард, ки Бонки миллии Тоҷикистон барои коҳиш додани фишорҳои қурбӣ, бартараф намудани таъсири хавфҳои асъории ҷойдошта, таъмини риояи меъёри фарқияти то ба 2-фоизаи  байни қурби расмӣ ва қурби фурӯши доллари нақди амрикоӣ ва аз байн бурдани фарқият дар бозори   ғайрибонкӣ 20 марти соли равон тасҳеҳи якдафъаинаи қурби расмии пули миллӣ нисбат ба доллари амрикоиро ба андозаи то 5,0 фоиз амалӣ намуд.

Июль 22, 2020 13:00

Хабарҳои дигари ин бахш

Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
ҚУРБИ АСЪОР: 1 евро аз 10.7517 то 10.7000 сомонӣ муқаррар шудааст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Тоҷикистон ва Ҷопон ҳамкориро дар самти рушди энергетикаи «сабз» густариш медиҳанд