Буҷаи гендерӣ — воситаи бартарафсозии мушкилоти ин соҳа дар вазорату идораҳо
ДУШАНБЕ, 20.07.2020 /АМИТ «Ховар»/. Дар маркази тренингии Гурӯҳи идоракунии лоиҳаи «Тақвияти таҳсилоти касбӣ-техникӣ ва омӯзишӣ» дар мавзӯи «Буҷаи гендерӣ — василаи бартарафсозии мушкилоти гендерӣ дар вазорату идораҳои соҳавӣ» ҳамоиш баргузор гардид.
Ҳамоиш барои аъзои гурӯҳи соҳавии вазоратҳои кишоварзӣ, энергетика ва захираҳои об, нақлиёт ва кумитаҳои меъморӣ ва сохтмон, рушди сайёҳии назди Ҳукумати Ҷумҳурии Тоҷикистон гузаронида шуд.
Ҳадаф аз баргузории он нишон додани аҳамияти ба инобатгирии ҷанбаҳои гендерӣ ҳангоми таҳияи дархостҳои буҷавӣ дар вазорату кумитаҳои номбурда мебошад.
Дар ҷараёни ҳамоиш мутахассисони Гурӯҳи идоракунии лоиҳа, намояндагони Кумитаи кор бо занон ва оилаи назди Ҳукумати Ҷумҳурии Тоҷикистон ва Вазорати рушди иқтисод ва савдои Тоҷикистон иштирок намуда, доир ба вазъи иштироки занон дар бозори меҳнати мамлакат ва нақши онҳо дар рушди иқтисоди оила, нақши вазорату идораҳои дахлдор дар татбиқи сиёсати гендерии давлат, аҳамияти механизми роҳандозӣ, таҷрибаи пешқадам ва татбиқи буҷети гендерӣ дар Ҷумҳурии Тоҷикистон, нақши лоиҳаи ТИКТО дар касбомӯзии ҷавонон дар асоси салоҳият ва тақвияти ҳамкории вазорату идораҳо бо литсейҳои ҳадафӣ сухан гуфтанд.
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
