Маркази шаҳри Турсунзодаро 38 ҳазор гулҳои рангоранг шукуфон мегардонанд

Июль 31, 2020 09:11

ТУРСУНЗОДА, 31.07.2020. /АМИТ «Ховар»/. Ба истиқболи 30-солагии Истиқлолияти давлатии Ҷумҳурии Тоҷикистон дар шаҳру навоҳии мамлакат баробари таъмиру навсозӣ ва бунёди иншооти иҷтимоиву иқтисодӣ, ҳамчунин маъракаи корҳои ободониву сарсабзгардонӣ бомаром идома дорад.

Шинонидани ниҳолу гулҳои ороишӣ ва ба ин васила сарсабзу хуррам намудани гӯшаҳои мухталифи Тоҷикистон аз ҷумлаи иқдому ташаббусҳои созандаи Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон маҳсуб гардида, ба вусъати ин маъракаи муҳим роҳбарияти шаҳри Турсунзода низ мароқи ҷиддӣ зоҳир менамояд.

Тибқи иттилои сардори шуъбаи ҳифзи муҳити  зисти шаҳри Турсунзода Лоиқ Раҳмонов, имрӯзҳо сабзкорӣ ва шинонидани гулҳои ороишӣ дар шаҳри Турсунзода ҷараёни  тоза гирифта, давоми ҳафтаи охир аз ҷониби кормандони муассисаи манзилию коммуналӣ дар ҳамкорӣ ва назорати шуъбаи ҳифзи муҳити зист дар  мавзеи қабули меҳмонон, даромадгоҳи шаҳр, шафати роҳҳои нақлиётгард ва пиёдагарди ҳудуди  маркази шаҳр бо риояи талаботи агротехникӣ беш аз 38 ҳазор бех гулҳои рангоранги катаранта шинонида шуданд.

Айни замон парвариш, обёрӣ ва нигоҳубини гулҳо тибқи талабот ҷараён гирифта, ба симои шаҳр ҳусни тоза зам намудааст. Шаҳри Турсунзода дарвозаи ғарбии Тоҷикистон ба ҳисоб рафта, ҳар як меҳмони хориҷӣ, ки ба мамлакат ворид мегардад, таассуроти аввалинро аз  ҳамин шаҳр   бардошт менамояд. Аз ин лиҳоз  тозаву озода ва сабзу хуррам будани ин гӯшаи Ватан аз ҳар яки мо-сокинони шаҳр масъулияти баланди шаҳрдорӣ  тақозо менамояд. Зарур аст, ки имрӯз ҳар яки мо дар ҳифзи муҳити зист, риояи талаботи шаҳрдориву шаҳрнишинӣ, хуррамгардонӣ ва ободонии диёри хеш саҳм гузорем.

Акс аз бойгонии АМИТ «Ховар»

Июль 31, 2020 09:11

Хабарҳои дигари ин бахш

Имрӯз бори нахуст Рӯзи ҷаҳонии футбол таҷлил мегардад
Имрӯз дар баъзе ноҳияиҳои алоҳидаи Тоҷикистон борони бошиддат дар назар аст
Дар ноҳияи Исмоили Сомонии пойтахт Рӯзи ҷавонон бо шаҳомати хосса таҷлил карда шуд
Ба ифтихори Рӯзи ҷавонон дар шаҳри Роғун бо иштироки зиёда аз 2500 нафар роҳпаймоӣ доир гардид
Дар Душанбе нишасти матбуотии Сафири Ҷумҳурии Исломии Эрон дар Тоҷикистон баргузор гардид
СИГНАХИ. Шаҳри муҳаббат ва маконе дар Гурҷистон, ки дар он ҳамеша сулҳ пойдор будааст
«МАЪРИФАТИ ҲУҚУҚӢ-ОЙИНИ ХУДШИНОСӢ». Дар ноҳияи Синои пойтахт даври ноҳиявии озмуни ҷумҳуриявӣ баргузор шуд
Имрӯз дар баъзе ноҳияҳои Тоҷикистон борони бошиддат меборад
ҶАВОНОН-НЕРУИ СОЗАНДАИ ТОҶИКИСТОН. Дар ноҳияи Фархор Рӯзи ҷавононро таҷлил намуданд
«СОЗАНДАГОНИ ВАТАН». Дар Душанбе ҳамоиши ҷумҳуриявии ҷавонон баргузор гардид
РӮЗИ ҶАВОНОНИ ТОҶИКИСТОН. Дар майдони Парчами давлатӣ дар шаҳри Гулистон барномаи идона доир шуд
СОЛИ МАЪРИФАТИ ҲУҚУҚӢ. Дар ноҳияҳои Шаҳритус ва Носири Хусрав доир ба баланд бардоштани сатҳи маърифати ҳуқуқии аҳолӣ вохӯрӣ баргузор гардид