АЛЕКСАНДР ЛУКАШЕНКО ДАР ҲАМА МИНТАҚАҲО ОВОЗИ БЕШТАР ГИРИФТААСТ. КМИ Беларус натиҷаҳои пешакии интихоботи президентиро эълон кард

ДУШАНБЕ, 10.08.2020 /АМИТ «Ховар»/. Раиси Комиссияи марказии интихоботи (КМИ) Беларус Лидия Ермошина изҳор дошт, ки президенти кунунӣ Александр Лукашенко дар ҳама минтақаҳо  пешсаф аст. Ӯ 80,2% овози интихобкунандагонро ба даст овардааст. Дар ин бора АМИТ «Ховар» бо истинод ба Агентии давлатии иттилоотии Беларус «БелТА» хабар медиҳад.

Тибқи маълумоти пешакии КМИ, ба ҷонибдории Светлана Тихановская 9,9%, Анна Канопатская — 1,68%, Андрей Дмитриев — 1,04%, Сергей Черечня — 1,13% ва бар зидди ҳамаи интихобшавандагон 6,02% овоз додаанд.

Бо натиҷаҳои пешакии интихобот раиси КМИ Лидия Ермошина хабарнигоронро шинос намуд. “Онҳо аслан дар шакли дастӣ навишта шуданд, бо такя ба он ки Комиссияи марказӣ, чун чораи қатъӣ  ман ва таҳлилгар, ки мо танҳо ду нафар будем, соати 1-и шаб аз бинои Ҳукумат тахлия шуд. Аз ин рӯ, мо натиҷаҳоро қабул накардем. Мо онҳоро ба наздикӣ, пештар аз оғози брифинг қабул кардем”, — гуфт Лидия Ермошина. Дар робита ба ин, натиҷаи ягона, ки дирӯз аз ҷониби раиси Комиссияи марказии интихобот эълон карда шуд, аз рӯи баста шудани участкаҳо дар беморхонаҳо ва қисмҳои ҳарбӣ буд. Ғайр аз ин, натиҷаҳои овоздиҳӣ дар баъзе минтақаҳо эълон карда шуданд.

Тибқи маълумоти пешакии КМИ, дар интихобот 5 798 908 нафар ё 84,23% овоздиҳандагони ба рӯйхат шомилбуда ширкат варзиданд.

Ба ҷонибдории Александр Лукашенко 4,652,423 нафар, ба Андрей Дмитриев — 60,543, ба Анна Канопатская — 97,926, ба Светлана Тихановская -574,312 ва ба Сергей Черечня — 65,784 нафар овоз доданд.

АКС: РИА Новости