«Бонки Эсхата» ба духтурон: «Мо пеши қаҳрамонии шумо сари таъзим фуруд меорем!»
ДУШАНБЕ, 18.08.2020. /АМИТ «Ховар»/. Имрӯз дар Тоҷикистон Рӯзи кормандони соҳаи тиб таҷлил мегардад. Дар робита ба ин рӯз, ҳайати кормандони «Бонки Эсхата» тамоми табибони мамлакатро бо иди касбиашон табрик намуданд. Матни ин табрикотро манзури хонандагон мегардонем:
«Дар ин рӯз, албатта, мо — намояндагони «Бонки Эсхата» — мехоҳем номи ҳамаи табибонро зикр кунем, ки вазифаи касбии худро содиқона иҷро мекунанд. Нафаронеро метавон ном бурд, ки дар давраи мушкил барои тамоми ҷаҳон дар сафи авваланд, садҳо одамро наҷот медиҳанд ва инчунин нафаронеро, ки дар мубориза бо коронавирус ҷони садҳо беморонро наҷот дода, аммо ҷони худро наҷот дода натавонистанд.
Бо назардошти он, ки рӯйхати қаҳрамонони соҳаи тиб беохир хоҳад буд, мо ба ҳар кадоми шумо — табибон таҳсину офарин мегӯем. Ҳамаи шуморо бо иди касбӣ самимона табрик гуфта, бароятон саломатии қавӣ орзу мекунем.
Имрӯз тамоми ҷаҳонро вируси корона фаро гирифтааст ва ҳамаи беморон ба кумаки шумо ниёз доранд. Дар айни замон, новобаста аз ихтисоси касбии худ шумо саломатии ҳар шаҳрвандро муҳофизат карда, ҳаёти ҳар яки онҳоро аз ин бемории сироятӣ наҷот дода, кумаки равонӣ низ мерасонед. Бигзор саъю кӯшишҳои шумо ба некӣ анҷомаду саломатии шумо бегазанд бод!
Кормандони ҶСК «Бонки Эсхата» иди табибонро беаҳамият гузошта наметавонанд. Мутаассифона, кормандони бонк низ ба бемории ин давру замон дучор шуда истодаанд. Танҳо ба шарофати кордонӣ ва дастгирии табибон, кормандони бонк пас аз беморӣ саломатии худро барқарор намуда, ба кор баргаштанд.
Мо ҷиддӣ будани вазъ ва оқибатҳои эҳтимолии онҳоро пурра дарк мекунем, аз ин рӯ, мекӯшем тамоми тадбирҳои бехатариро, ки бар зидди паҳншавии бемории сироятии коронавирус андешида шудаанд, риоя кунем.
Мо фаъолияти худро ба рушди хизматрасониҳои фосилавӣ равона карда истодаем ва ба аҳолӣ имкониятҳои нави мобилӣ пешниҳод менамоем, то ин ки шаҳрвандонро аз ҷойҳои серодам эмин дорем. Тавсия медиҳем, ки то ҳадди имкон ҳамаи пардохтҳоро аз хона набаромада, тариқи имкониятҳои фосилавӣ иҷро намоянд.
Тамоми амалҳои кормандони бонк дар мубориза бар зидди бемории сирояти коронавирус — ин кумак ба кормандони соҳаи тиб буда, ҳадафи асосии ҷомеаи меҳнатии бонк ба ин восита коҳиш додани ин беморӣ мебошад.
Мо пеши қаҳрамонии шумо сари таъзим фуруд меорем! Идатон муборак!».
ҚУРБИ АСЪОР: дар Тоҷикистон 1 рубли русӣ аз 0.1158 то 0.1140 сомонӣ муқаррар шудааст
ҚУРБИ АСЪОР: дар Тоҷикистон 1 евро аз 11.2975 то 11.3000 сомонӣ муқаррар шудааст
Таҳкими ҳамкории Бонки миллии Тоҷикистон бо Корпоратсияи байналмилалии молиявӣ баррасӣ шуд
ҚУРБИ АСЪОР: дар Тоҷикистон 1 доллари ИМА аз 10.9413 то 10.9500 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0. 1153 то 0.1140 сомонӣ муқаррар шудааст
Дар Бонки миллии Тоҷикистон нуктаҳои асосии Паёми Президенти Тоҷикистон ба Маҷлиси Олӣ тавзеҳ дода шуданд
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
