Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
ДУШАНБЕ, 19.03.2026 /АМИТ «Ховар»/. Маҳз бо ташаббус ва сиёсати фарҳангпарваронаи Президенти Ҷумҳурии Тоҷикистон муҳтарам Эмомалӣ Раҳмон ва дастгирии кишварҳои ҳавзаи Наврӯз иҷлосияи 64-уми Маҷмаи Умумии Созмони Милали Муттаҳид дар хусуси ҷашни байналмилалӣ эълон гардидани Наврӯз қатънома қабул намуд. Имрӯзҳо ин ҷашни бостонӣ дар бисёр давлатҳои ҷаҳон бошукуҳ таҷлил мегардад. Чунин иброз намуд Раиси Бонки миллии Тоҷикистон Фирдавс Толибзода дар ҳамоише, ки дар Бонки миллии Тоҷикистон ба ифтихори Ҷашни байналмилалии Наврӯз баргузор шуд.
АМИТ «Ховар» бо истинод ба Бонки миллии Тоҷикистон иттилоъ медиҳад, ки дар ҳамоиши ҷашнӣ роҳбарияту кормандон, собиқадорон ва муҳаққиқон иштирок намуданд.
Гуфта шуд, ки Наврӯз аз маҳбубтарин ҷашнҳои миллии тоҷикон буда, аз замонҳои қадим то имрӯз мардумро бо арзишҳое, чун ваҳдату ҳамдилӣ, созандагию ободкорӣ ва дӯстию инсонпарварӣ муттаҳид месозад. Маҳз ваҳдату ҳамдилӣ имкон медиҳад, ки Тоҷикистон дар роҳи татбиқи ҳадафҳои стратегӣ- таъмини истиқлолияти энергетикӣ, раҳоӣ аз бунбасти коммуникатсионӣ, ҳифзи амнияти озуқаворӣ ва саноатикунонии босуръати мамлакат ба пешрафтҳои назарраси иқтисодию иҷтимоӣ ноил гардад.
Таъкид гардид, ки вазифаи муҳимми ҷомеа тарбияи солими насли наврас, бахусус ҷавонон мебошад. Аз ин рӯ, зарур аст, ки ҷавонон дар руҳияи ватандӯстӣ, эҳтиром ба арзишҳои миллӣ ва худшиносии миллӣ тарбия ёбанд. Дар ҳамоиши ҷашнӣ ҳамзамон дар бораи таърихи пайдоиши ҷашни Наврӯз, аҳаммияти фарҳангӣ ва суннатҳои неки он сухан гуфта, нақши ин ҷашни бостониро дар рушди фарҳанги миллӣ шарҳу тавзеҳ доданд.
Дар ҳамоиш инчунин дар бораи яке аз чеҳраҳои барҷастаи адабиёти классикии тоҷик — Робиаи Балхӣ ва тасвири баҳору Наврӯз дар эҷодиёти ӯ сухан карда шуд. Дар қисмати фарҳангию фароғатии ҳамоиш намояндагони созмони ҷавонони бонк ва санъаткорони шинохта бо қироати шеъру таронаҳои наврӯзӣ ва суруду мусиқӣ, ки тараннумгари баҳору Наврӯз буд, ба фазои идонаи ҳамоиш шаҳомат бахшиданд.
Дар анҷоми ҳамоиш ғолибони мусобиқаҳои варзишие, ки бахшида ба Ҷашни байналмилалии Наврӯз байни воҳидҳои сохтории Бонки миллии Тоҷикистон баргузор гардид, бо Диплому ҷоиза ва туҳфаҳои хотиравӣ қадрдонӣ гардиданд.
АКС: Бонки миллии Тоҷикистон
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
Президенти Тоҷикистон таъмини амнияти озуқавориро масъалаи стратегӣ ва ҳаётан муҳим номиданд
Сарвари давлат Эмомалӣ Раҳмон дар маҷлиси Ҳукумат ба масъулон барои коҳиши фоизи қарзҳо ва рушди пардохтҳои ғайринақдӣ дастур доданд
Тоҷикистон ба ҷомеаи рақамии пешрафта бо иқтисоди инноватсионии рақобатпазир табдил меёбад
ҚУРБИ АСЪОР: 1 доллари ИМА аз 9.4025 то 9.4200 сомонӣ муқаррар шудааст
Дар Барселона имконоти сармоягузории Тоҷикистон муаррифӣ гардид
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
