Директори АМИТ «Ховар» бо Сафири Покистон дар Тоҷикистон мулоқот намуд

Август 3, 2020 16:36

ДУШАНБЕ, 03.08.2020. /АМИТ «Ховар»/. 3 август дар шаҳри Душанбе директори Агентии миллии иттилоотии Тоҷикистон «Ховар» Саидалӣ Сиддиқ бо Сафири Фавқулода ва мухтори Ҷумҳурии Исломии Покистон дар Ҷумҳурии Тоҷикистон  Имрон Ҳайдар мулоқот намуд.

Дар оғози мулоқот С. Сиддиқ дар бораи рушди муносибатҳои дуҷонибаи Тоҷикистону Покистон, моҳияти сиёсати «дарҳои боз»-и Ҳукумати Ҷумҳурии Тоҷикистон, нақши ВАО дар таҳкими муносибатҳои байнидавлатӣ ибрози андеша намуд. Дар ин замина, зикр шуд, ки имкониятҳои АМИТ «Ховар» ба сифати мақоми марказии иттилоотии Ҷумҳурии Тоҷикистон дар инъикоси ҳодисаву рӯйдодҳои марбут ба Тоҷикистон ва Покистон, муаррифии имкониятҳои мавҷуда дар таҳкими ҳамкории дуҷониба дар соҳаҳои сиёсӣ, иқтисодӣ, илмӣ-фарҳангӣ, сайёҳӣ ва ғайра тавассути сомонаи расмӣ ва Радиои «ҒМ Ховар»-и Агентӣ метавонанд боз ҳам бештар ва  самараноктар истифода бурда шаванд.

Зикр шуд, ки тақвият бахшидан ба робитаҳои дуҷониба дар соҳаи иттилоот ба муносиботи рӯ ба рушди ду кишвар дар арсаҳои мухталиф мусоидат хоҳад кард.

Дар навбати худ Сафири ҶИП дар ҶТ Имрон Ҳайдар омодагии ҷониби Сафорат ва дар маҷмӯъ кишварашро ҷиҳати ба роҳ мондани ҳамкории фаъол дар самти иттилоърасонӣ ва роҳандозии муаррифии бештари Покистону Тоҷикистон миёни аҳолии ду кишвар изҳор дошт. Ӯ зикр кард, ки ҷониби Покистон барои рушди ҳамкории дуҷониба, пеш аз ҳама ҷиҳати муаррифии зарфиятҳои фарҳангӣ, иқтисодӣ, мусиқӣ, сайёҳӣ, ҳунарҳои дастӣ ва амсоли инҳо омода буда, баҳри ноил шудан ба натиҷаҳои назаррас Сафорат дар Душанбе талоши худро ба таври васеъ ба роҳ мондааст.

Дар ҷараёни мулоқот тарафҳо ҳамчунин оид ба густариши равобити неку дӯстона миёни Ҷумҳурии Тоҷикистон ва Ҷумҳурии Исломии Покистон изҳори назар карда, боло бурдани ҳаҷми гардиши мол миёни ду давлат, самаранок истифода кардан аз имкониятҳои якдигар, бандарҳои обии Покистон, махсусан Гвадар ҷиҳати интиқоли молу маҳсулот ва оғоз кардани парвозҳои мустақимро байни Душанбе ва Исломобод ба мақсад мувофиқ донистанд.

Бо назардошти асли мақсад, дар анҷоми  мулоқот ҷонибҳо ба тавофуқ расиданд, ки ҳамкориро дар соҳаи иттилоот фаъол карда, дар вақти барои Душанбе ва Исломобод мувофиқ Ёддошти тафоҳуми ҳамкорӣ байни Агентии миллии иттилоотии Тоҷикистон «Ховар» ва хабаргузории марказии ҶИП «Associated Press of Pakistan» (APP)-ро, ки аз ҷониби ҳарду агентӣ таҳия ва такмил дода, онро Ҳукумати Ҷумҳурии Тоҷикистон бо қарори худ аз 1 марти соли 2019 таҳти №78 маъқул донистааст, ба имзо расонанд.

Август 3, 2020 16:36

Хабарҳои дигари ин бахш

Ҳукумати Тоҷикистон амали нангини террористии бар зидди муовини аввали Раисҷумҳури Афғонистон Амруллоҳ Солеҳ содиршударо шадидан маҳкум намуд
Сироҷиддин Муҳриддин дар мулоқоти вазирони корҳои хориҷии СҲШ бо Президенти Федератсияи Россия суханронӣ кард
Тоҷикистон ва Покистон аз сатҳи кунунии ҳамкории сиёсӣ изҳори қаноатмандӣ намуданд
Мулоқоти вазирони корҳои хориҷии Тоҷикистон ва Ҳиндустон дар Москва
Ҳайати Тоҷикистон дар ҷаласаи Шӯрои ҳамоҳангсозони миллии СҲШ дар Москва иштирок намуд
ТАВАҶҶУҲ! Парвози чартерӣ дар масири Душанбе-Минск-Душанбе
ПЕШВОИ МИЛЛАТ ВА ДАСТОВАРДҲОИ СИЁСАТИ ХОРИҶИИ ТОҶИКИСТОН ДАР ДАВРОНИ ИСТИҚЛОЛ. Мулоҳизаҳои Вазири корҳои хориҷии Ҷумҳурии Тоҷикистон Сироҷиддин Муҳриддин
Вазоратҳои корҳои хориҷии Тоҷикистону Россия роҷеъ ба масъалаҳои СҲШ ройзаниҳо баргузор карданд
Намояндагони кишварҳои ИДМ дар бораи ҳамгироӣ дар ҷараёни иҷлоси 75-умин Ассамблеяи Генералии СММ ба мувофиқа расиданд
Маъмурияти дипломатии Мудири Дафтари ҳамкории Швейтсария дар Тоҷикистон ба поён расид
35 нафар шаҳрвандони Тоҷикистон аз Машҳад ба Душанбе баргардонида шуданд
347 нафар шаҳрвандони Тоҷикистон аз Қазоқистон ба Ватан оварда шуданд