Соҳибкор Ҷурабек Муҳибов ба хонандагони шаҳри Турсунзода мактаби нав туҳфа намуд
ТУРСУНЗОДА, 20.08.2020. /АМИТ «Ховар»/. Хонандагони муассисаҳои таълимии №29-и деҳаи Обшорон ва №69-и деҳаи Зиёраттути Ҷамоати деҳоти Навободи шаҳри Турсунзода соли нави таҳсилро дар биноҳои нави таълимӣ оғоз намуданд. Дар ин бора аз дафтари матбуоти раиси шаҳри Турсунзода ба хабарнигори АМИТ «Ховар» иттилоъ доданд.
Иҷрокунандаи вазифаи раиси шаҳри Турсунзода Парвиз Акрамзода зимни ифтитоҳи биноҳои мазкур гуфт, ки “Ҳукумати мамлакат дар солҳои соҳибистиқлолӣ ба рушди соҳаи маориф эътибори ҷиддӣ зоҳир намуд. Дар пайравӣ ба ин иқдом мақомоти иҷроияи ҳокимияти давлатии шаҳри Турсунзода барои фароҳам овардани шароити мусоиди таҳсил ва баланд бардоштани сатҳу сифати таълиму тарбияи насли наврас тадбирҳои зарурӣ меандешад. Биноҳои муассисаҳои таълимии №29 ва 69 бо ташаббуси мақомоти иҷроияи ҳокимияти давлатии шаҳри Турсунзода, дастгирии соҳибкори маҳаллӣ Ҷӯрабек Муҳибов ва фаъолони деҳаҳои Обшорон ва Зиёраттут сохта шуданд. Омӯзгоронро зарур аст, ки бо фароҳам сохтани чунин муассисаҳои замонавӣ ва таъмин намудани онҳо бо таҷҳизоти навтарин ҷиҳати татбиқи Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф тадбирҳои амалӣ андешанд”.
Тавре огаҳӣ дорем, бо мақсади боз ҳам беҳтар ба роҳ мондани омӯзиши илмҳои табиатшиносӣ, дақиқ ва риёзӣ, инчунин барои тавсеаи тафаккури техникии насли наврас аз ҷониби Пешвои миллат солҳои 2020–2040 Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф эълон карда шуд.
Дар шаҳри Турсунзода бахшида ба ҷашни 30-солагии Истиқлолияти давлатии Ҷумҳурии Тоҷикистон сохтмони 367 иншооти дорои аҳамияти ҷамъиятиву ҷумҳуриявӣ ба нақша гирифта шудааст. То имрӯз зиёда 180 иншоот, аз ҷумла сардхонаҳо, майдонҳои варзишӣ, марказҳои саломатӣ, бунгоҳҳои тиббӣ, коргоҳҳои дӯзандагӣ, кошонаҳои ҳусн ва ҳаммомҳои замонавӣ мавриди баҳрабардорӣ қарор гирифтаанд.
Инчунин бо мақсади фароҳам овардани шароити таҳсил ва ҳалли масъалаи норасоии ҷойи нишаст бунёди 83 синфхонаи иловагӣ ва 2 толори варзишӣ ҷараён дорад.
Дар Тоҷикистон Бозиҳои 20-уми Делфии ҷавонони кишварҳои аъзои ИДМ идома доранд
Фарҳанги пурғановати Тоҷикистон дар Туркманистон муаррифӣ мегардад
Имрӯз даври сеюми Озмуни ҷумҳуриявии «Фурӯғи субҳи доноӣ китоб аст» оғоз мегардад
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
