Дастаи шоҳмотбозони Тоҷикистон дар Олимпиадаи байналмилалии шоҳмот иштирок мекунад
ДУШАНБЕ, 04.08.2020 /АМИТ «Ховар»/. Аз 7 то 9 август дастаи олимпии Ҷумҳурии Тоҷикистон оид ба шоҳмот дар Олимпиадаи байналмилалии шоҳмот иштирок мекунад. Мусобиқаи мазкур тариқи онлайн баргузор гардида, ба дастаи Ҷумҳурии Тоҷикистон Муҳаммадхоҷа Ҳусейнхоҷаев, Мустафохоҷа Ҳусейнхоҷаев, Ҷамшед Исоев, Алишер Каримов, Меҳриддин Шарифов, Ҷалолиддини Илҳомӣ, Надежда Антонова, Марворид Насриддинзода, Мутриба Ҳотамӣ, Рухшона Саидова ва Сабрина Абророва шомиланд.
Тавре котиби генералии Федератсияи миллии шоҳмот Илҳом Юнусов ба хабарнигори АМИТ «Ховар» иттилоъ дод, ҳайати даста аз 6 нафар: 3 мард ва 3 зан иборат буда, онро сарвари даста Ҷамшед Исоев муайян мекунад.
Дар Олимпиадаи байналмилалии шоҳмот аз 163 давлат беш аз 1500 нафар шоҳмотбоз иштирок намуда, дастаҳои ғолиб аз рӯи холҳо муайян карда мешаванд.
«Дастаи олимпии Ҷумҳурии Тоҷикистон оид ба шоҳмот дар 9 бозӣ иштирок мекунад. Барои ба даври дуюми сабқат роҳхат пайдо кардан бояд миёни 10 даста ҷои 3-юмро ишғол намояд. Олимпиадаи байналмилалии шоҳмот тариқи онлайнӣ доир шуда, бартарияш он аст, ки иштирокчиёни мусобиқа аз хонаҳои худ истода, дар мусобиқа иштирок менамоянд»,- мегӯяд Илҳом Юнусов.
Ёдовар мешавем, ки Олимпиадаи байналмилалии шоҳмот моҳи июл оғоз шуда, то охирҳои август идома меёбад.
Акс аз бойгонӣ
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
