Чемпионатҳои Осиё оид ба футбол байни наврасону ҷавонон бо сабаби COVID-19 ба соли 2021 гузаронида шуданд
ДУШАНБЕ, 11.09.2020. /АМИТ «Ховар»/ 10 сентябр ҷаласаи кумитаи иҷроияи Конфедератсияи футболи Осиё баргузор шуда, дар он якчанд қарорҳои муҳим қабул гардиданд. Аз ҷумла, ба хотири ҳифзи саломатии варзишгарони ҷавон ва мушкилоти сафар қарор карда шуд, ки чемпионатҳои Осиё миёни наврасон (U-16) ва ҷавонон (U-19) дар Баҳрайн ва Ӯзбекистон ба соли 2021 гузаронида шаванд. Дар ин бора мухбири АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Кумитаи иҷроияи КФО, ки ҷаласааш ба таври онлайн доир гашт, иқрор шуд, ки пандемияи COVID-19 имкон надод мусобиқаҳо имсол баргузор шаванд.
Хотиррасон мешавем, ки Чемпионати Осиё оид ба футзал, ки бояд моҳи ноябр дар шаҳри Ашқободи Туркманистон сурат мегирифт, акнун 2-13 декабри имсол дар Кувайт баргузор мешавад.
«Бо дар назар гирифтани тадорукот ҷиҳати ҳамоҳангии панҷ минтақаи Ҷоми КФО, инчунин ба анҷом расидани мусобиқаҳои маҳаллӣ дар аксар кишварҳо кумитаи иҷроияи КФО розӣ шуд, ки идомаи Ҷоми КФО-2020 баргузор нашавад», — хабар додааст сомонаи расмии КФО.
Акнун дастаҳои футболи «Истиқлол»-и шаҳри Душанбе ва «Хуҷанд»-и шаҳри Хуҷанд, ки дар доираи Ҷоми КФО-2020 як бозӣ анҷом дода буданд, имсол дар мусобиқаи дуюми бонуфузи клубҳои Осиё ширкат намекунанд.
Ҳамчунин қарор қабул шуд, ки Анҷумани 30-юми КФО 9 декабр дар шаҳри Куала Лумпури Малайзия ба таври онлайн доир карда шавад.
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
