Абдулло Раҳмонзода раиси Шӯрои кор бо ҷавонони ИДМ дар соли 2021 интихоб гардид
ДУШАНБЕ, 17.10.2020 /АМИТ «Ховар»/. Дар асоси қарори ҷаласаи ХХVII Шӯрои кор бо ҷавонони Иттиҳоди Давлатҳои Мустақил, ки 16 октябри соли 2020 бо иштироки аъзои Шӯро ба таври фосилавӣ баргузор гардид, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода раиси Шӯрои кор бо ҷавонони Иттиҳоди Давлатҳои Мустақил дар соли 2021 интихоб гардид. Дар ин бора аз Кумитаи кор бо ҷавонон ва варзиши мамлакат ба АМИТ «Ховар» хабар доданд.
Қарори якдилонаро намояндагони мақомоти ваколатдори давлатии соҳаи кор бо ҷавонони давлатҳои Озарбойҷон, Арманистон, Беларус, Қазоқистон, Қирғизистон, Ӯзбекистон, Молдова, Федератсияи Россия ва Кумитаи иҷроияи ИДМ дар заминаи таҷлили ҷашни 30 – солагии Истиқлоли давлатии Ҷумҳурии Тоҷикистон ва фаъолияти назарраси Тоҷикистон дар доираи Шӯрои ИДМ қабул намуданд.
Ҳамзамон дар ҷаласаи мазкур 10 масъалаи дигари ҳамкории мақомоти соҳаи кор бо ҷавонони давлатҳои ИДМ мавриди баррасӣ қарор дода шуда, вобаста ба онҳо қарорҳои дахлдор қабул гардиданд.
Ёдовар мешавем, ки Шӯрои кор бо ҷавонони кишварҳои узви ИДМ дар асоси Созишномаи давлатҳои аъзои Иттиҳоди Давлатҳои Мустақил оид ба ҳамкорӣ дар соҳаи кор бо ҷавонон 25 ноябри соли 2005 таъсис ёфтааст.
Сироҷиддин Муҳриддин дар ҷаласаи вазирони корҳои хориҷии Осиёи Марказӣ ва Иёлоти Муттаҳидаи Амрико дар қолаби С5+1 иштирок кард
Сарвазири мамлакат Қоҳир Расулзода бо муовини Сарвазир – вазири корҳои хориҷии Покистон Исҳоқ Дор мулоқот намуд
Сарвазири Тоҷикистон бо муовини якуми Президенти Эрон мулоқот намуд
Сироҷиддин Муҳриддин бо Котиби давлатии Иёлоти Муттаҳидаи Амрико Марко Рубио мулоқот намуд
Раиси Ҳукумати Федератсияи Русия Михаил Мишустин ба Тоҷикистон ташриф овард
Ҳайатҳои иштирокчии ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай ба Тоҷикистон ташриф меоранд
Дар Душанбе ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай доир мегардад
Сарвазири Шурои давлатии Чин барои ҳамкории босифат бо Тоҷикистон дар чаҳорчӯби Ташаббуси «Як камарбанд, як роҳ» изҳори омодагӣ намуд
Намояндаи доимии Тоҷикистон бо Раиси иҷлосияи 81-уми Маҷмаи Умумии СММ мулоқот намуд
Муовини якуми Президенти Эрон Муҳаммадризо Ориф бо сафари корӣ ба Тоҷикистон ташриф овард
Ҳайати Тоҷикистон дар нишасти Шурои вазирони корҳои хориҷии Созмони ҳамкории исломӣ иштирок намуд
Сафири Тоҷикистон дар Кувайт бо раиси Бунёди фарҳангии Ал-Бобтайн вохӯрӣ намуд
