Дар Тоҷикистон амалиёти навбатии «Муоинаи техникӣ» шурӯъ гардид
ДУШАНБЕ, 21.10.2020 /АМИТ«Ховар»/. 20 октябр дар ҷумҳурӣ амалиёти навбатии «Муоинаи техникӣ» оғоз гардид, ки то 30 октябр идома меёбад. Дар ин бора ба мухбири АМИТ «Ховар» сардори шуъбаи ташвиқоту таблиғоти Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон Акбар Қурбонзода хабар дод.
Мақсад аз гузаронидани амалиёт пешгирии ҳодисаҳои роҳу нақлиёт, баланд бардоштани ҳолати техникӣ, муайян намудани шумораи дақиқи воситаҳои нақлиёт, назорат бурдан ҷиҳати супоридани маблағи андоз, пурра ҷалб намудани воситаҳои нақлиёти боркаш ва дигар намуди воситаҳои нақлиёт ба муоинаи ҳатмии давлатии техникӣ мебошад.
Дар ин давра Раёсати БДА ВКД Ҷумҳурии Тоҷикистон аз ҳамаи соҳибони воситаҳои нақлиёт хоҳиш менамояд, ки воситаҳои нақлиётро дар ҳолати дурусти техникӣ нигоҳ дошта, сари вақт ба муоинаи техникӣ пешниҳод намоянд.
Имрӯз дар ноҳияҳои алоҳидаи кӯҳии Тоҷикистон борон меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
