Имрӯз «Равшан» бо «Ҳулбук», «Барқчӣ» бо «Саройкамар» ва «Ҳосилот» бо «Ваҳдат» рақобат мекунанд
ДУШАНБЕ, 10.10.2020 /АМИТ «Ховар»/. Бозиҳои даври бистуми мусобиқаи Лигаи аввали футболи Тоҷикистон дар варзишгоҳҳои мамлакат дар сатҳи баланд баргузор шуданд. Дар се бозӣ меҳмонон, дар ду вохӯрӣ мизбонон ғолиб шуда, як дидор мусовӣ хотима ёфт. Мавзӯъро шореҳи варзиши АМИТ «Ховар» Меҳрони Қурбон шарҳ медиҳад.
Дастаи футболи «Равшан»-и шаҳри Кӯлоб, ки ҳадди ақалл кафолати гирифтани медалҳои нуқра ва ҳаққи ширкат дар Лигаи олиро дар мавсими соли 2021 ба даст овардааст, 7 октябр дар даври бистум дар меҳмонӣ дастаи футболи «Ваҳдат»-и шаҳри Ваҳдатро бо ҳисоби 2:0 мағлуб намуд. Дастаи футболи «Равшан», ки дар 19 бозӣ 48 имтиёз гирифтааст, дар ҷадвали мусобиқа дар зинаи аввал ҷойгир шудааст. Дастаи футболи «Эсхата»-и шаҳри Хуҷанд дар бозии даври гузашта дар меҳмонӣ дастаи футболи «Исфара»-и шаҳри Исфараро бо ҳисоби 4:1 мағлуб кард. Дастаи «Эсхата», ки 40 имтиёз дорад, дар ҷадвали мусобиқа мақоми дуюм касб намудааст. Ба дастаи «Эсхата» барои ба Лигаи олӣ баромадан дар се бозии боқимонда муқобили дастаҳои футболи «Шоҳмансур»-и шаҳри Душанбе, «Ваҳдат»-и шаҳри Ваҳдат ва «Равшан»-и шаҳри Кӯлоб як имтиёз ба даст овардан кофист.
Дастаи футболи «Панҷшер»-и ноҳияи Ҷалолиддини Балхӣ, ки 35 имтиёз дорад, дар ҷадвали мусобиқа мақоми сеюмро аз они худ кардааст. Дастаи «Панҷшер» дар даври сипаришуда дар меҳмонӣ аз дастаи футболи «Равшан»-и Зафаробод бо ҳисоби 0:3 шикаст хӯрд.
Се бозии дигари даври бистуми мусобиқаи Лигаи аввали футболи Тоҷикистон бо чунин натиҷа хотима ёфтанд: дастаҳои футболи «Шоҳмансур»-и шаҳри Душанбе аз «Ҳосилот»-и ноҳияи Фархор бо ҳисоби 1:4, «Ҳулбук»-и ноҳияи Восеъ бар «Барқчӣ»-и шаҳри Ҳисор бо натиҷаи 1:0 ва «Саройкамар»-и ноҳияи Панҷ бо «Моҳир»-и ноҳияи Ёвон бо ҳисоби мусовӣ 2:2.
Бозиҳои даври 21-уми мусобиқаи Лигаи аввали футболи Тоҷикистон10-11-уми октябр баргузор мешаванд.
Мусобиқаи Лигаи аввали футболи Тоҷикистон. Даври 20-ум
«Шоҳмансур» – «Ҳосилот» – 1:4
Голҳо: Хайрулло Азизов, 10 (0:1). Нурулло Маҳмудов, 31 – аз пеналтӣ (0:2). Комрон Салимов, 35 (0:3). Амриддин Раҳимов, 43 (1:3). Хайрулло Азизов, 77 (1:4).
Беҳтарин бозингари вохӯрӣ : Хайрулло Азизов («Ҳосилот»).
«Ваҳдат» – «Равшан» (Кӯлоб) – 0:2
Голҳо: Ҳасан Рустамов, 12 (0:1). Наврӯз Рустамов, 67 (0:2).
Беҳтарин бозингари дидор: Ҳасан Рустамов («Равшан», Кӯлоб).
«Ҳулбук» – «Барқчӣ» – 1:0
Гол: Аваз Камчинов, 45 – аз пеналтӣ.
Беҳтарин бозингари сабқат: Аваз Камчинов («Ҳулбук»).
«Саройкамар» – «Моҳир» – 2:2
Голҳо: Акмалҷон Авазов, 42 (1:0). Соҳибҷон Ваҳобов, 51 (2:0). Ҳоҷиакбар Холмуродов, 53 (2:1). Дилшод Тағоев, 86 (2:2).
Беҳтарин бозингари дидор: Баҳровар Ҳалимов («Моҳир»).
«Равшан» (Зафаробод) – «Панҷшер» – 3:0
Голҳо: Бахтиёр Зарипов, 19 (1:0). Бахтиёр Зарипов, 29 (2:0). Хурсандмурод Ҷумъаев, 43 – аз пеналтӣ (3:0).
Беҳтарин бозингари рақобат: Бахтиёр Зарипов («Равшан», Зафаробод).
«Исфара» – «Эсхата» – 1:4
Голҳо: Ҷӯрабой Исоев, 13 (0:1). Мубинҷон Муъминов, 22 (0:2). Мубинҷон Муъминов, 35 – аз пеналтӣ (0:3). Ҷӯрабой Исоев, 68 (0:4). Суҳробҷон Сабуров, 76 (1:4).
Беҳтарин бозингари вохӯрӣ : Мубинҷон Муъминов («Эсхата»).
Мавқеи дастаҳо дар ҷадвали мусобиқа
| Ҷ | ДАСТАҲО | Б | Ғ | М | Б | Т | И |
| 1 | «Равшан» (Кӯлоб) | 19 | 16 | 0 | 3 | 68-31 | 48 |
| 2 | «Эсхата» (Хуҷанд) | 19 | 13 | 1 | 5 | 51-31 | 40 |
| 3 | «Панҷшер» (Ҷалолиддини Балхӣ) | 20 | 10 | 5 | 5 | 49-26 | 35 |
| 4 | «Равшан» (Зафаробод) | 20 | 10 | 5 | 5 | 41-25 | 35 |
| 5 | «Ҳулбук» (Восеъ) | 20 | 10 | 3 | 7 | 37-31 | 33 |
| 6 | «Ҳосилот» (Фархор) | 20 | 8 | 3 | 9 | 35-36 | 27 |
| 7 | «Моҳир» (Ёвон) | 20 | 8 | 3 | 9 | 46-60 | 27 |
| 8 | «Ваҳдат» (Ваҳдат) | 20 | 7 | 5 | 8 | 47-36 | 26 |
| 9 | «Барқчӣ» (Ҳисор) | 20 | 8 | 1 | 11 | 36-38 | 25 |
| 10 | «Саройкамар» (Панҷ) | 20 | 6 | 5 | 9 | 40-45 | 23 |
| 11 | «Исфара» (Исфара) | 20 | 6 | 1 | 13 | 29-50 | 19 |
| 12 | «Шоҳмансур» (Душанбе) | 20 | 0 | 2 | 18 | 13-83 | 2 |
Нишонзанҳо: Аваз Камчинов («Ҳулбук») – 26 тӯб, Мубинҷон Муъминов («Эсхата») – 20 тӯб, Баҳровар Ҳалимов («Моҳир») – 18-тӯбӣ.
Даври 21-ум
10 октябр (шанбе)
Оғози бозиҳо – соати 15:00
«Барқчӣ» – «Саройкамар»
«Равшан» (Кӯлоб) – «Ҳулбук»
«Ҳосилот» – «Ваҳдат»
11 октябр (якшанбе)
Оғози бозиҳо – соати 15:00
«Моҳир» – «Равшан» (Зафаробод)
«Эсхата» – «Шоҳмансур»
«Панҷшер» – «Исфара»
ҶОМИ ОСИЁ-2024. Имрӯз дастаи мунтахаби Тоҷикистон оид ба футзал бо тими Тайиланд бозӣ менамояд
Пайрав Воҳидов: «Ба муқобили дастаи Тайиланд танҳо барои ғалаба бозӣ менамоем»
Чемпиони дукаратаи олимпӣ, чемпиони ҳафткаратаи ҷаҳон оид ба ҷудо Шоҳей Оно ба Душанбе меояд
ЧЕМПИОНАТИ CAFA-2024. Дастаи мунтахаби занонаи Тоҷикистон (U-18) аввалин пирӯзӣ ба даст овард
ЧЕМПИОНАТИ ОСИЁ ОИД БА БОКС. Дар он варзишгарони ҷавони тоҷик иштирок менамоянд
Дастаи мунтахаби Тоҷикистон оид ба футзал ба даври нимфиналии Ҷоми Осиё-2024 баромада, соҳиби роҳхати Ҷоми ҷаҳон шуд
ҶОМИ ОСИЁ-2024. Дастаи Тоҷикистон оид ба футзал дар даври чорякфиналӣ бо тими Афғонистон бозӣ мекунад
Пайрав Воҳидов: «Ҳадафи дастаи мунтахаби Тоҷикистон оид ба футзал ба даст овардани роҳхат ба Ҷоми ҷаҳон аст»
ФУТБОЛ. Дастаи наврасони Тоҷикистон (U-16) дар мусобиқаи рушди УЕФА дар Минск иштирок мекунад
ҶОМИ ОСИЁ-2024. Дастаи мунтахаби Тоҷикистон оид ба футзал ба даври ¼-финалӣ роҳ ёфт
ЧЕМПИОНАТИ ОСИЁ-2024. Паҳлавонони тоҷик дар он соҳиби се медали биринҷӣ шуданд
ҶОМИ ОСИЁ-2024. Имрӯз дастаи мунтахаби олимпии Тоҷикистон (U-23) бо дастаи Тайиланд бозӣ мекунад
