Дар Академияи Вазорати корҳои дохилӣ бахшида ба Рӯзи Президент мулоқоти судманд доир шуд
ДУШАНБЕ, 12.11.2020 /АМИТ «Ховар»/. Бахшида ба Рӯзи Президенти Ҷумҳурии Тоҷикистон дар Академияи Вазорати корҳои дохилии мамлакат мулоқоти Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода бо донишҷӯёни Академия ва ҷавонони гурӯҳи «Авангард» баргузор гардид. Дар ин бора аз Кумитаи кор бо ҷавонон ва варзиш ба АМИТ «Ховар» хабар доданд.
Абдулло Раҳмонзода зикр намуд, ки имрӯз дар мамлакат дар доираи сиёсати ҷавонпарваронаи Пешвои миллат муҳтарам Эмомалӣ Раҳмон барои ҷавонон тамоми имконоти зарурӣ фароҳам оварда шудааст. Ба ин хотир ҷавононро мебояд аз ин шароит самаранок истифода намоянд.
Зикр шуд, ки дар партави сиёсати бунёдкоронаи Пешвои миллат ҷавонони мамлакат ба хотири ободиву пешрафти Тоҷикистон чун ҳарвақта муттаҳиду пешсафанд. Ҳоло дар назди ҷавонон масъалаҳое меистанд, ки дар замони ҷаҳонишавӣ дарку ҳалли онҳо аз ҷавонон дониши амиқ, ҷаҳонбинии замонавӣ ва муҳимтар аз ҳама, ҳисси баланди миллӣ, худогоҳиву худшиносӣ ва самимона дӯст доштани Ватанро талаб менамоянд.
Дар мулоқот оид ба ҳамоҳанг сохтани фаъолияти гурӯҳи ҷавонони «Авангард» ба фаъолияти Кумитаи кор бо ҷавонон ва варзиш ва зерсохторҳои ҷамъиятии он, инчунин таҳкими фаъолияти он дар самти волонтёрӣ мубодилаи афкор сурат гирифт.
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар Донишгоҳи техникӣ ва Донишгоҳи аграрӣ нишасти матбуотӣ баргузор мегардад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
