Дар доираи «16 рӯзи мубориза бар зидди зӯроварии гендерӣ» давраи омӯзишӣ доир мешавад

Ноябрь 19, 2020 11:37

ДУШАНБЕ, 19.11.2020 /АМИТ «Ховар»/. Аз  25 ноябр то 10 декабр бо қарори махсуси   СММ дар тамоми давлатҳо маъракаи «16 рӯзи мубориза бар зидди  зӯроварии гендерӣ»  гузаронида мешавад.

Дар доираи маъракаи мазкур бахши кор бо занон ва оилаи мақомоти иҷроияи ҳокимияти давлатии ноҳияи Ҷаббор Расулов дар ҳамкорӣ бо Ташкилоти ҷамъиятии Маркази иҷтимоии ҳуқуқии «Сарчашма» барои раисони Шӯрои занон ва кумитаи маҳаллаҳо дар мавзӯи «Пешгирии зӯроварӣ дар оила» давраи омӯзишӣ баргузор намуд. Дар ин бора аз Кумитаи кор бо занон ва оилаи назди Ҳукумати Ҷумҳурии Тоҷикистон ба АМИТ «Ховар» хабар доданд.

Дар машғулияти омӯзишӣ намояндаи Ташкилоти ҷамъиятии Маркази иҷтимоии ҳуқуқии «Сарчашма» Муяссара Болтабоева ва мутахассиси пешбари бахши кор бо занон ва оилаи ноҳия Гулҷаҳон Умарова оид ба ҷараёни амалишавии Барномаи давлатӣ   оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023 сухан гуфтанд.

Зикр шуд, ки  оила асоси ҷамъият буда, таҳти ҳифзи махсуси қонун ва давлат  қарор дорад. Ташаккули шахсият дар рӯҳияи инсондӯстӣ, эҳтиром ва риояи ҳуқуқу озодиҳои инсон ва шаҳрванд, мавқеъ ва масъулияти шаҳрвандӣ ба он вобастаанд. Бар зидди  зӯроварӣ дар оила ва барои ҳалли ин мушкилот бояд дастаҷамъона мубориза  бурд.

Дар омӯзиши мазкур ҳамчунин раисони Шӯрои занон ва раисони кумитаи маҳаллаҳо, омӯзгорони фаъоли муассисаҳои таҳсилоти миёнаи умумии ноҳия иштирок карда, сухан гуфтанд.

Ноябрь 19, 2020 11:37

Хабарҳои дигари ин бахш

Дар Донишгоҳи давлатии молия ва иқтисоди Тоҷикистон Фестивали «Сайри гули лола» доир карда шуд
Дар шаҳри Хоруғ Лигаи волейболи вилоят байни мардон то охири сол баргузор мегардад
Имрӯз дар баъзе минтақаҳои Тоҷикистон ҳаво то 28 дараҷа гарм мешавад
Дар Маркази такмили ихтисоси кормандони соҳаи тарбияи ҷисмонӣ ва варзиш машғулияти омӯзишӣ оғоз гардид
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад