Дар Душанбе гуфтушуниди вазирони корҳои хориҷии Тоҷикистон ва Қирғизистон баргузор гардид

Ноябрь 19, 2020 15:00

ДУШАНБЕ, 19.11.2020 /АМИТ «Ховар»/. Имрӯз, 19 ноябр дар шаҳри Душанбе  Вазири корҳои хориҷии Тоҷикистон Сироҷиддин Муҳриддин бо  Вазири корҳои хориҷии Қирғизистон Руслан Казакбоев мулоқот намуд.

Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар ҷараёни мулоқот таъкид шуд, ки муносибатҳои Тоҷикистон ва Қирғизистон ба пайвандҳои чандинасраи дӯстию ҳусни ҳамҷаворӣ ва арзишҳои муштараки фарҳангию маънавӣ такя мекунанд.

Вазирон вазъи кунунии муколамаи дуҷонибаи сиёсиро баррасӣ намуда, изҳор доштанд, ки ҷиҳати рушди ҳамкорӣ дар ин самт василаҳои зарурии ҳамкорӣ, ба монанди Шӯрои ҳамоҳангсозии байнидавлатӣ, Комиссияи байниҳукуматӣ оид ба баррасии маҷмӯи масъалаҳои ҳамкории дуҷониба ва Шӯрои вазирони корҳои хориҷӣ вуҷуд доранд.

Ҷонибҳо ҳамчунин доир ба ҳамкории тиҷоратию иқтисодӣ, фарҳангию гуманитарӣ мубодилаи афкор намуда, масъалаҳои ҳамлу нақл ва истифодаи захираҳои оби дарёҳои фаромарзиро баррасӣ карданд. Тарафҳо ба мувофиқа расиданд, ки ҷиҳати фароҳам овардани шароити мусоид барои рушди бештари тиҷорат, фаъолияти муштараки сармоягузорӣ ва истифодаи пурраи иқтидори транзитӣ бояд тадбирҳои фаврӣ андешида шаванд.

Дар музокирот ба масъалаи таъйини ҳудуд ва аломатгузории хатти сарҳади давлатӣ таваҷҷуҳи махсус зоҳир шуд. Вазирони корҳои хориҷӣ ба истифодаи пурраи имконоти Комиссияи байниҳукуматӣ оид ба делимитатсия ва демаркатсияи сарҳади давлатии Тоҷикистон ва Қирғизистон бори дигар таъкид намуданд.

Ҷонибҳо ҳамкории кишварҳоро дар чаҳорчӯби созмонҳои байналмилалӣ, аз ҷумла СММ, ИДМ, СҲШ, СААД, САҲА ва МҲТБО мавриди баррасӣ қарор доданд.

Дар фарҷоми музокирот Барномаи ҳамкорӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷии Ҷумҳурии Қирғизистон барои солҳои 2021-2022 ба имзо расид.

АКСҲО аз ВКХ ҶТ

Ноябрь 19, 2020 15:00

Хабарҳои дигари ин бахш

Бештар аз 50 давлат, аз ҷумла Тоҷикистон дирӯз дар маросими муаррифии ваксинаи русии «Спутник V» дар СММ ширкат намуданд
Сироҷиддин Муҳриддин дар ҷаласаи Шӯрои вазирони корҳои хориҷии СААД иштирок намуд
Сироҷиддин Муҳриддин дар ҷаласаи Шӯрои вазирони корҳои хориҷии кишварҳои СААД ширкат меварзад
Рушди робитаҳои дуҷонибаи Тоҷикистон ва Британияи Кабир оид ба масъалаҳои сиёсӣ, иқтисодӣ ва гуманитарӣ баррасӣ шуд
Сарвазири Ҷумҳурии Тоҷикистон Қоҳир Расулзода дар ҷаласаи 19-уми сарони ҳукуматҳо-сарвазирони кишварҳои узви СҲШ иштирок намуд
Тоҷикистон ва Амороти Муттаҳидаи Арабӣ дурнамои муносибатҳои дуҷонибаро баррасӣ намуданд
Музаффар Ҳусейнзода бо Муҳаммад Ҳаниф Атмар мулоқот намуд
Музаффар Ҳусейнзода бо Вазири корҳои хориҷии Тунис мулоқот намуд
Мулоқоти муовини Вазири корҳои хориҷии Ҷумҳурии Тоҷикистон бо Вазири корҳои хориҷии Подшоҳии Арабистони Саудӣ
Ҳайати Тоҷикистон дар нишасти Шӯрои вазирони корҳои хориҷии кишварҳои аъзои СҲИ дар Нигер иштирок дорад
Тоҷикистон ва Малайзия оид ба рушди муносибат миёни агентиҳои ҳавопаймоии ду кишвар мубодилаи афкор намуданд
Консули генералии Тоҷикистон дар Екатеринбург Зафар Сайидзода дар мизи мудаввари байналмилалӣ сухан гуфт