Доир ба ҳолати обтаъминкунӣ, санитарӣ ва гигиенаи муассисаҳои табобатию профилактикӣ машғулияти омӯзишӣ гузаронида шуд
ДУШАНБЕ, 02.11.2020 /АМИТ «Ховар»/. Имрӯз дар Душанбе ҷиҳати анҷом додани тадқиқот оид ба арзёбии ҳолати обтаъминкунӣ, санитарӣ ва гигиенаи муассисаҳои табобатию профилактикӣ барои гурӯҳи тадқиқотчиён бо назардошти чораҳои беҳдоштӣ ва зиддиэпидемикӣ машғулияти омӯзишӣ оғоз гардид.
Тавре ба АМИТ «Ховар» аз маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд, машғулияти омӯзишӣ то 5 ноябр идома меёбад.
Дар кори он муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Самариддин Ализода, аъзои гурӯҳ, намояндагони Созмони Умумиҷаҳонии Тандурустӣ ва Агентии Япония оид ба ҳамкории байналмилалӣ (JICA) дар Тоҷикистон иштирок намуданд.
Бояд гуфт, ки аз 9 ноябр то 9 декабри соли равон дар муассисаҳои табобатию профилактикии шаҳру ноҳияҳое, ки тибқи методология интихоб ва ба рӯйхат дароварда шудаанд, тадқиқот оид ба арзёбии ҳолати обтаъминкунӣ, санитарӣ ва гигиенӣ бо назардошти маълумот ва қарорҳои Ситоди ҷумҳуриявӣ оид ба пурзӯр намудани чораҳои зиддиэпидемикӣ дар давраи пандемияи сирояти коронавирус (COVID-19) дар Ҷумҳурии Тоҷикистон ва риояи чораҳои беҳдоштию зиддиэпидемикӣ гузаронида мешавад.
Гурӯҳи тадқиқотчиён пас аз анҷоми тадқиқот оид ба арзёбии ҳолати обтаъминкунӣ, санитарӣ ва гигиенаи муассисаҳои табобатию профилактикӣ ба роҳбарони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон маълумоти муфассали таҳлилӣ пешниҳод менамоянд.
Имрӯз дар шаҳру ноҳияҳои Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон ҳавои тағйирёбандаи бебориш пешгӯӣ мешавад
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
