20 кишвар бо сабаби коронавируси нав барои парвозҳо маҳдудият ҷорӣ карданд
ДУШАНБЕ, 21.12.2020 /АМИТ «Ховар»/. Ба сабаби тавсеаи коронавируси нав 20 кишвар тасмим гирифтанд, ки иртиботи ҳавоии худро маҳдуд кунанд. Аксари онҳо парвозҳоро аз Британияи Кабир қатъ кардаанд. Арабистони Саудӣ марзҳои худро бастааст, хабар медиҳад рӯзномаи «Коммерсант».
Ҳукуматдорони Россия авзоъро назорат мекунанд. “Аэрофлот”- ягона ширкати ҳавопаймоӣ мебошад, ки барои парвозҳои мунтазам ба Шоҳигарии Муттаҳида иҷозатнома дорад, аммо айни ҳол барои боздошти парвозҳо дастур нагирифтааст.
Кишварҳо бо сабаби коронавируси нав кадом қарорҳоро қабул мекунанд:
- Қабули парвозҳо аз Британияи Кабир ба Австрия, Германия, Исроил, Ирландия, Италия, Кувайт, Шветсия, Литва, Туркия, Чехия, Хорватия мавқуф гузошта шудааст.
- Булғористон, Латвия, Эстония, Швейтсария, Марокаш, Финляндия иртиботи ҳавоиро бо Британияи Кабир боздоштаанд.
- Арабистони Саудӣ сарҳадҳои хушкигард ва бандарҳояшро баст ва иртиботи ҳавоиро бо ҳама кишварҳо комилан қатъ кард.
- Иртиботи ҳавоӣ бо Британия ва дигар кишварҳо дар Исроил (Дания ва Африқои Ҷанубӣ), Туркия (Дания, Нидерланд, Африқои Ҷанубӣ), Швейтсария (Африқои Ҷанубӣ) боздошта шудааст.
- Салвадор вуруди касонеро, ки аз тариқи Британия ё Африқои Ҷанубӣ парвоз кардаанд ва ё дар 30 рӯзи охир дар яке аз ин ду кишвар будаанд, манъ кард.
Баъзе кишварҳо ҳанӯз дар бораи бастани иртиботи ҳавоӣ бо Британия тасмим нагирифтаанд, аммо чораҳои зиддиэпидемиявиро сахттар кардаанд. Аз ҷумла, Юнон барои ҳама касоне, ки аз Британияи Кабир меоянд, карантини ҳафтрӯза ҷорӣ кардааст. Ҳукумати Испания назорати мавҷудияти санҷишҳои тестии ПТР -ро барои шахсоне, ки ба ин кишвар ворид мешаванд, пурзӯр мекунад.
Созмони умумиҷаҳонии тандурустӣ ваъда медиҳад, ки баробари дар бораи намуди нави коронавирус маълумоти бештар пайдо намудан ҷомеаро дар ин хусус огоҳ хоҳад кард. Созмон бо ҳукумати Британия дар тамос аст.
АКС: AP 2020
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Толорҳои Китобхонаи миллӣ барои баргузории чорабиниҳои канорӣ омода мебошанд
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
