Дар ҷаҳон зиёда аз 577 ҳазор ҳолати сироятёбӣ аз коронавирус дар як рӯз сабт шудааст

ДУШАНБЕ, 02.12.2020 /АМИТ «Ховар»/. Шумораи ҳолатҳои тасдиқшудаи сирояёбӣ аз коронавируси нав дар ҷаҳон аз 64,19 миллион нафар гузашта, дар тӯли 24 соат беш аз 577 ҳазор афзоиш ёфт, хабар медиҳад АМИТ «Ховар» бо истинод ба  омори 2 декабр интишордодаи СУТ.

То соати 10:00 (ба вақти Душанбе — шарҳи АМИТ «Ховар») 2 декабр ба СУТ дар бораи 64 195 738 рӯйдоди сироятёбӣ ва 1 486 844 ҳолати фавти одамон маълумот ворид шудааст. Шумораи гирифторон дар як шабонарӯз 577 269 нафар ва фавтидагон – 11 894 нафар зиёд шуд.

Бештари рӯйдодҳои сироятёбӣ дар ИМА ба қайд гирифта шудаанд — 14 108 606. Баъд аз он Ҳиндустон (9 499 710), Бразилия (6 388 526), ​​Россия (2 322 056), Франсия (2230 571), Испания (1673 202), Британияи Кабир (1 643 086), Италия (1 620 901), Аргентина (1 432 570), Колумбия (1 324 792), Мексика (1 122 362) ва Германия (1 085 661) ҷойгиранд.

                                                                                     АКС аз бойгонӣ