Дар Душанбе корҳои омодагӣ ҷиҳати даъвати навбатии шаҳрвандони солҳои таваллудашон 1994-2003 ба хизмати ҳарбӣ оғоз гардиданд

Декабрь 9, 2020 09:42

ДУШАНБЕ, 09.12.2020 /АМИТ «Ховар»/. Бо Қарори Раиси шаҳри Душанбе муҳтарам Рустами Эмомалӣ аз 8 декабри соли равон Нақшаи чорабиниҳои омодагии муташаккилона ҷиҳати баргузор намудани омӯзиши даъвати навбатии шаҳрвандони солҳои таваллудашон 1994-2003 ба хизмати ҳарбӣ дар соли 2021 тасдиқ гардид. Дар ин бора аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд.

«Тибқи қарори  мазкур Раиси шаҳр масъулин, аз ҷумла муовини соҳавӣ Умед Гуреззода, раисони ноҳияҳои пойтахт ва роҳбарони сохторҳои дахлдори  мақомоти иҷроияи ҳокимияти давлатии шаҳри Душанберо вазифадор намудааст, ки барои иҷрои саривақтии нақшаи зикршуда тадбирҳои зарурӣ андешанд. Ҳамчунин раисони ноҳияҳои пойтахт, Раёсати тандурустӣ ва Комиссариати ҳарбии шаҳри Душанбе муваззаф гардидаанд, ки  омӯзиши шаҳрвандони синни даъватиро ба роҳ монда, шумораи дақиқи даъватшавандагонро муайян намоянд»,-афзуд манбаъ.

Инчунин масъулин супориш гирифтанд, ки ҷиҳати ба хизмати ҳарбӣ сафарбар намудани даъватшавандагон то  10 марти соли 2021 барои гузаштани муоинаи пешакии тиббии онҳо  тадбирҳои зарурӣ андешанд. Инчунин баҳри  солимгардонии  даъватшавандагоне, ки гирифтори бемориҳои табобатшавандаанд, дар якҷоягӣ бо марказҳои табобатӣ чораҳои зарурӣ амалӣ намоянд.

Масъулини соҳа ҳамчунин уҳдадор  шудаанд, ки тибқи тартиби муқарраргардида, баҳри дар сатҳи баланд ташкил намудани даъвати навбатии шаҳрвандон маблағҳои зарурӣ  барои харидорӣ намудани маводи зарурӣ (либос, маводи гигиенӣ, дафтардорӣ) ҷудо намоянд. Ба  Ташкилоти ҷамъиятии мададгори мудофиа дар шаҳри Душанбе супориш дода шудааст, ки  барои сари вақт ва босифат таъмин намудани маъракаи муҳими сиёсӣ- даъвати ҷавонон ба сафи Қувваҳои Мусаллаҳ  аз ҳисоби маблағҳои буҷетӣ то 30% нақшаи даъватро таъмин намояд.

“Бо дархости комиссарони ҳарбии ноҳияҳои шаҳри Душанбе раисони маҳаллаҳо вазифадор карда шаванд, ки тибқи китоби бақайдгирии хоҷагидорӣ, рӯйхати аниқи ҷавонони синни даъватиро дар муҳлатҳои кӯтоҳтарин барои омӯзиш пешниҳод намоянд. Муассисаҳои таҳсилоти олӣ ва миёнаи касбӣ, корхонаҳо, марказҳои савдо ва хизматрасониҳо, новобаста аз шакли фаъолияташон баҳри муташаккилона сафарбар намудани ҷавонписарони синни даъватӣ тадбирҳои зарурӣ андешанд”,-чунин омадааст дар қарори Раиси шаҳри Душанбе.

Акс аз бойгонӣ

Декабрь 9, 2020 09:42

Хабарҳои дигари ин бахш

Дар Душанбе даври дуюми Озмуни ҷумҳуриявии «Нонпазӣ ва маҳсулоти нонӣ, қаннодӣ, ҳалвопазӣ, шириниҳои миллӣ ва муосир» доир карда мешавад
Раиси шаҳри Душанбе Рустами Эмомалӣ бо Ҳокими шаҳри Остона Женис Касимбек мулоқот намуданд
Дар Душанбе шумораи умумии воситаҳои нақлиёти мусофирбар 20 фоиз зиёд карда мешавад
Рустами Эмомалӣ: «80 фоизи таълимгирандагони таълимоти ғайриқонунии диниро ҷавонони то 30-сола ташкил медиҳанд»
Рустами Эмомалӣ: «Корҳо дар самти пешгирӣ ва коҳиш додани сатҳи амалҳои коррупсионӣ бояд тақвият дода шаванд»
Имрӯз таҳти роҳбарии Раиси шаҳри Душанбе Рустами Эмомалӣ ҷаласаи назоратӣ бо кормандони мақомоти ҳифзи ҳуқуқи пойтахт баргузор гардид
Раиси шаҳри Душанбе Рустами Эмомалӣ муассисаи таҳсилоти томактабии «Афрӯза»-ро мавриди истифода қарор доданд
Ғолибони даври шаҳрии озмунҳои «Беҳтарин ҳамсар» ва «Фарзанд – боғи падару модар» ба даври ҷумҳуриявӣ роҳ ёфтанд
Мақомоти шаҳри Душанбе шартномаи хариди 30 электробусро ба имзо расонид
Ҷаласаи кумитаи тадорукоти «Намоишгоҳи байналмилалии сайёҳии Душанбе» доир гардид
Ҳамкории Душанбе бо Фландрияи Шоҳигарии Белгия тақвияти бештар меёбад
Дар шаҳраку маҳаллаҳои ноҳияҳои Душанбе озмунҳои «Беҳтарин ҳамсар» ва «Фарзанд – боғи падару модар» гузаронида шуданд