Дастаи ҷавонони «Локомотив-Помир» бо медалҳои тилло қадрдонӣ карда шуд
ДУШАНБЕ, 10.12.2020. /АМИТ «Ховар»/. Дар толори варзишии «Истиқлол»-и пойтахт маросими расмии супурдани медалҳои хурди тилло ба ҳайати ҷавонони дастаи футболи «Локомотив-Помир»-и шаҳри Душанбе барои ғалаба дар мусобиқаи имсола байни ҳайати ҷавонони дастаҳои Лигаи олии Тоҷикистон баргузор шуд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Дар мавсими сипаришуда захиравиёни дастаи футболи «Локомотив-Помир»-и шаҳри Душанбе таҳти роҳбарии сармураббӣ Аҳлиддин Турдиев дар мусобиқа байни ҳайати ҷавонони дастаҳои Лигаи олии Тоҷикистон 18 бозӣ гузаронида, дар 15 бозӣ ғалаба ба даст оварданд. Онҳо ду бозиро мусовӣ анҷом дода, ҳамагӣ дар як вохӯрӣ мағлуб шуданд.
Дар маросими супоридани мукофотҳо Ноиби президенти Федератсияи футболи Тоҷикистон Алишер Урунов ҳайати ҷавонони дастаи «Локомотив-Помир»-и шаҳри Душанберо барои ба даст овардани медалҳои тилло табрик гуфта, ба бачаҳо дар марҳилаи ниҳоии Чемпионати наврасони Осиё дар Баҳрайн, ки соли оянда баргузор хоҳад шуд, барору муваффақият орзу намуд.
Директори клуби «Локомотив-Помир»-и шаҳри Душанбе Анваршо Мирзоев бозингарони дастаро ба ин муваффақият табрик гуфта, дар фаъолияти минбаъдаашон барору комёбӣ орзу намуд.
Дар маросими ҷоизасупорӣ Ноиби президенти ФФТ Алишер Урунов ва Директори генералии Лигаи футболи Тоҷикистон Сайвалӣ Шоқурбонов ба бозингарон ва ҳайати мураббиёни даста медалҳои тилло ва Ҷоми пирӯзӣ дар мусобиқаи имсоларо тақдим карданд.
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
