ФУТБОЛ.Сиёвуш Асроров фаъолияти варзишиашро дар дастаи «Шейх Руссел»-и Бангладеш идома медиҳад

ДУШАНБЕ, 10.12.2020. /АМИТ «Ховар»/. Бозингари 28- солаи дастаи  мунтахаби  Тоҷикистон  Сиёвуш Асроров фаъолияти варзишиашро дар дастаи футболи «Шейх Руссел»-и  Бангладеш идома медиҳад. Дастаи охирини фаъолият намудаи Сиёвуш Асроров дастаи футболи «Локомотив-Помир» -и шаҳри Душанбе буд, ки дар он ҳимоятгари дастаи мунтахаби Тоҷикистон нуҳ бозии худро дар даври дуюми Чемпионати Тоҷикистон-2020 баргузор кард. Дар ин бора  шореҳи  варзиши АМИТ «Ховар» Меҳрони  Қурбон бо истинод ба Федератсияи футболи Тоҷикистон иттилоъ медиҳад.

Хотиррасон менамоем, ки қаблан Сиёвуш Асроров дар  дастаҳои футболи  «Хатлон»-и шаҳри Бохтар, «Хуҷанд»-и шаҳри Хуҷанд, «Истиқлол»-и шаҳри Душанбе, «ПКНП»-и  Малайзия ва «Рахматганж»-и Бангладеш  бозӣ намудааст.

Сиёвуш Асроров аз соли 2014 дар дастаи мунтахаби Тоҷикистон бозӣ мекунад.