ОБУ ҲАВО: Имрӯз дар Тоҷикистон ҳаво абрнок шуда, борон ва барф меборад

ДУШАНБЕ, 26.12.2020 /АМИТ «Ховар»/. Имрӯз дар ҷумҳурӣ ҳаво  абрнок шуда,  борон ва барф меборад.  Дар ин бора аз  Агентии обуҳавошиносии Тоҷикистон ба АМИТ «Ховар» хабар доданд. 

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво  абрнок  шуда,  дар ноҳияҳои алоҳидаи ғарбии вилоят барф меборад. Дар шарқи вилоят эҳтимоли бориши нисбатан сусти марҳилавӣ дар назар аст.  Шамол аз самти ғарб бо суръати 3-8 метр дар як сония мевазад. Ҳаво дар ғарби вилоят   шабона 5-10 ва рӯзона 1-6 дараҷа хунук мешавад. Дар  шарқи вилоят  ҳаво шабона  22-27  ва рӯзона то 10-15  дараҷа хунук мешавад.

Ҳаво дар вилояти Суғд   абрнок  шуда, борон ва барф меборад. Дар баъзе ноҳияҳо бориши бошиддати борону барф дар назар аст. Шамол аз самти ғарб бо суръати 3-8 метр дар як сония мевазад. Ҳаво  дар водиҳо шабона аз 1 дараҷа хунук то 4 дараҷа гарм ва рӯзона аз 3 дараҷа хунук то 2 дараҷа гарм мешавад.

Дар вилояти Хатлон  ҳаво абрнок шуда, борон ва барф меборад. Бориш дар баъзе ноҳияҳо шиддат мегирад.  Шамол аз самти ғарб бо суръати 3-8 метр дар як сония мевазад. Ҳаво дар водиҳо шабона ва рӯзона 4+9 дараҷа гарм мешавад.  Нимаи дуюми рӯз ҳарорати ҳаво паст шуда, дар ноҳияҳои доманакӯҳӣ шабона ва рӯзона ҳарорати ҳаво 1+6 гарм мешавад.

Дар шаҳру ноҳияҳои тобеи марказ ҳаво абрнок шуда, дар ноҳияҳои алоҳида борон ва барф дар назар аст. Дар охири рӯз бориши  пуршиддат ба амал меояд.  Шамол аз самти ғарб бо суръати 3-8 метр дар як сония  мевазад.  Ҳаво  дар водиҳо  шабона ва рӯзона 3+8 дараҷа гарм мешавад.  Дар ноҳияҳои кӯҳӣ ҳаво шабона 0-5 дараҷа хунук ва рӯзона аз 3 дараҷа хунук то 2  дараҷа гарм мешавад.

Дар  шаҳри Душанбе ҳаво абрнок шуда, боридани борон ва барф пешбинӣ шудааст. Шамол аз самти  ғарб бо суръати 3-8 метр дар як сония мевазад. Ҳарорати ҳаво шабона ва рӯзона   4+6 дараҷа гарм мешавад. Нимаи дуюми рӯз ҳарорати ҳаво паст шуда, аз 1 дараҷа хунук то 1 дараҷа гарм мешавад.