ТАҚВИМИ АМИТ «ХОВАР»: имрӯз 15 декабр, сешанбе, 350-умин рӯзи соли 2020 аст

15 декабри соли 2011 дар шаҳри Берлин бо иштироки Президенти Ҷумҳурии Тоҷикистон муҳтарам Эмомалӣ Раҳмон бинои нави Сафорати Тоҷикистон дар Германия ифтитоҳ ёфт.

***

4 сол пеш, 15 декабри соли 2016 Ёддошти тафоҳум байни Палатаи савдо ва саноати Ҷумҳурии Тоҷикистон ва Палатаи савдо ва саноати Шри-Ланка ба имзо расид.

***

Дар ин рӯзи соли 2017 АМИТ «Ховар» хабар дод, ки Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода Раиси Шӯрои байнидавлатии ҳамкории гуманитарии давлатҳои аъзои Иттиҳоди Давлатҳои Мустақил  интихоб гардид.

15 ДЕКАБР ТАҶЛИЛ КАРДА МЕШАВАД:

 Рӯзи байналмилалии чой.

***

Дар Россия – Рӯзи хотираи журналистони ҳангоми иҷрои вазифаи хизматӣ ҳалокшуда.

 РӮЙДОДҲО:

 15 декабри соли 2011 дар Маркази тадқиқоти стратегии назди Президенти Ҷумҳурии Тоҷикистон маросими рӯнамоии «Ҳисоботи миллӣ оид ба куҳансолӣ дар Тоҷикистон» баргузор гардид.

 ***

15 декабри соли 2016 дар шаҳри Душанбе маҷмӯаи нави «Вазъи иҷтимоию иқтисодии Ҷумҳурии Тоҷикистон» барои моҳҳои январ-ноябри соли 2016 нашр шуд.

***

97 сол муқаддам, 15 декабри соли 1923 тамғаи ширкати мошинсозии «Шкода» ба қайд гирифта шуд.

***

15 декабри соли 1982 Хазинаи байналмилалии асъор барои ба Бразилия пешниҳод намудани заём дар ҳаҷми 4,5 миллиард доллар барои хизматрасонӣ ба қарзҳои хориҷӣ ризоият дод.

***

Дар ин рӯзи соли 1990 Декларатсия оид ба истиқлоли давлатии Ҷумҳурии Қирғизистон қабул гардид.

***

15 декабри соли 1972 ташкилоти СММ оид ба ҳифзи муҳити зист таъсис дода шуд.

ИНЧУНИН ДАР ИН РӮЗ…

Соли 2017 Парлумони Тоҷикистон таҳкими ҷомеаи шаҳрвандӣ ва нақши он дар татбиқи Стратегияи миллии рушдро баррасӣ намуд.

***

Соли 1989 дар ИМА рекорди ҷаҳонӣ дар мавриди  50 соату 50 сония ба таври муаллақ дар ҳаво истодани чархбол гузошта шуд.