Дар Тоҷикистон Агентии инноватсия ва технологияҳои рақамии назди Президент таъсис дода мешавад
ДУШАНБЕ, 26.01.2021. /АМИТ «Ховар»/. Дар шароити кунунӣ рушди технологияҳои рақамӣ шарти асосии рақобатнокии иқтисодӣ ба шумор меравад.
Президенти Ҷумҳурии Тоҷикистон муҳтарам Эмомалӣ Раҳмон имрӯз зимни ироаи Паёми худ ба Маҷлиси Олӣ ба Ҳукумати мамлакат ва сохтору мақомоти дахлдор супориш доданд, ки доир ба таъсис додани Агентии инноватсия ва технологияҳои рақамии назди Президент чораҷӯӣ намоянд.
Бино ба суханони Сарвари давлат, Агентии инноватсия ва технологияҳои рақамии назди Президенти Тоҷикистон бо мақсади таҳкими асосҳои институтсионалии иқтисоди рақамӣ, рушди инфрасохтори иттилоотиву коммуникатсионӣ дар тамоми қаламрави кишвар, рақамикунонии соҳаҳои иқтисоди миллӣ ва вусъатбахшии раванди амалӣ намудани “ҳукумати электронӣ” таъсис дода хоҳад шуд.
Ёдовар мешавем, Президенти Ҷумҳурии Тоҷикистон муҳтарам Эмомалӣ Раҳмон 26 декабри соли 2019 дар Паёми навбатиашон ба Маҷлиси Олӣ масъулони соҳаро вазифадор намуданд, ки то охири соли 2020 дар асоси «Консепсияи иқтисоди рақамӣ» «Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2021-2025»-ро таҳия ва ба Ҳукумати мамлакат пешниҳод намоянд.
Зимни суҳбат бо хабарнигори АМИТ «Ховар» муовини якуми Вазири рушди иқтисод ва савдо Ашурбой Солеҳзода 18 январи соли ҷорӣ гуфта буд, ки «Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2021-2025» дар доираи гурӯҳҳои кории идоракунанда ва техникӣ таҳия ва охири моҳи декабри соли 2020 ба Ҳукумати Ҷумҳурии Тоҷикистон барои баррасӣ ирсол гардидааст.
«Мақсади таҳияи лоиҳаи Барномаи миёнамуҳлати рушди иқтисоди рақамӣ дар Ҷумҳурии Тоҷикистон- ин ҷорӣ намудани технологияиҳои иттилоотонии рақамӣ дар соҳаҳои иқтисодиёти миллӣ мебошад. Барномаи мазкур барои гузариш ба хизматрасониҳои давлатии рақамӣ, рушди соҳаҳои иқтисоди миллӣ, афзоиши даромади буҷет, беҳтар намудани сифати зиндагии аҳолӣ, таъмини шаффофият, содагардонии расмиёт ва ҷалби технологияҳои муосир мусоидат менамояд», — илова намуд А. Солеҳзода.
Тавсеаи ҳамкории Тоҷикистон ва Амрико дар соҳаи энергетика ва захираҳои об матраҳ гардид
Омодагӣ ба Конфронси тарафҳои СММ оид ба мубориза бар зидди биёбоншавӣ СОР 16 дар Душанбе баррасӣ гардид
Дар корхонаи «Дион-ангишт-Тоҷикистон» таҷҳизоти нави ангиштканӣ насб мегардад
Неругоҳҳои «Норак» ва «Бойғозӣ» ба давраи тирамоҳу зимистони солҳои 2024-2025 омода мебошанд
Дар Душанбе конфронси минтақавии коршиносон доир мегардад
Дар ноҳияи Бобоҷон Ғафуров нақшаи истеҳсоли пахта ба 36 фоиз баробар гардид
Дар Душанбе тақвияти ҳамкории Тоҷикистон ва Русия дар соҳаи энергетика баррасӣ шуд
Тағйири ном ва ҳадафҳои густурдатари Аввалин бонки молиявии хурд
Ҳайати Тоҷикистон дар Форуми минтақавии ҳифзи табиати Иттиҳоди байналмилалии ҳифзи табиат дар Брюггеи Белгия иштирок намуд
ЗИМИСТОНГУЗАРОНӢ. «Ангишти Камароб» муассисаҳои буҷетии ноҳияҳои Рашт ва Тоҷикободро бо ангишти хушсифат таъмин намуд
Намояндагони бахши иқтисодии Тоҷикистон бо ҳайати Хазинаи Байналмилалии Асъор марҳилаи аввали татбиқи барномаи воситаҳои ҳамоҳангсозии сиёсатро баррасӣ намуданд
Дар Тоҷикистон дар 170 ҳазор гектар кишти тирамоҳӣ гузаронида мешавад
