Дар Тоҷикистон Маркази миллии таълимӣ оид ба омӯзиши наҷотдиҳандагон бунёд мешавад
ДУШАНБЕ, 20.01.2021 /АМИТ «Ховар»/. 19 январ дар доираи чорабиниҳо бахшида ба таҷлили 30-солагии Истиқлоли давлатии Ҷумҳурии Тоҷикистон, инчунин татбиқи лоиҳаи муштараки Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон — «Устувории сарҳади ҷанубии Тоҷикистон бо Афғонистон», ки тавассути Дафтари Барномаи САҲА дар Душанбе бо маблағгузории Иттиҳоди Аврупо амалӣ карда мешавад, марҳилаи аввали корҳои сохтмони Маркази миллии таълимӣ оид ба таълими наҷотдиҳандагон дар Тоҷикистон, кишварҳои Осиёи Марказӣ ва Ҷумҳурии Исломии Афғонистон оғоз гардид. Дар ин бора аз Кумитаи ҳолатҳои фавқулода ва мудофиаи гражданӣ ба АМИТ «Ховар» хабар доданд.
Бояд гуфт, ки ин машқгоҳ дар дараи Қаратоғи ноҳияи Шаҳринав, дар майдони 28 гектар доман паҳн карда, аз биноҳои таълимӣ, маъмурӣ ва истиқоматӣ, ошхона, толори варзишӣ, инчунин маҷмааҳои таълимӣ-моделсозӣ иборат хоҳад буд. Ҳама биноҳо ҷиҳозонида шуда, бо системаҳои гармидиҳӣ, неруи барқ таъмин ва атрофи биноҳо сабзазор хоҳанд шуд. Тамрингоҳи миллӣ маҷмааи беназири махсусест, ки бо назардошти хусусияти минтақа ва талаботи муосир сохта шуда, омодагии ҳамаҷонибаи амалии гурӯҳҳои имдодро дар сатҳи баландтарин таъмин менамояд. Дар ин тамрингоҳ наҷотдиҳандагон моделҳои нави таҷҳизоти имдодро месанҷанд ва истифодаи онро пурра меомӯзанд.
Раиси Кумитаи ҳолатҳои фавқулода зикр намуд, ки татбиқи лоиҳаи мазкур на танҳо сатҳи дониши наҷотдиҳандагон ва омодагии онҳоро баланд мебардорад, балки ба якҷояшавии гурӯҳҳои имдод дар мубориза бо офатҳои табиӣ дар сатҳи минтақавӣ мусоидат хоҳад кард.
«Кори муштарак ба мо имкон медиҳад ба системаи глобалии вокуниши офатҳои табиӣ фаъолона ҳамроҳ шавем ва бо шарикони хориҷӣ самаранок ҳамкорӣ кунем, инчунин лоиҳаҳои якҷояро дар ин самт татбиқ намоем, ки ин бешубҳа, ба чизи муҳимтарин — наҷоти ҳаёти инсон мусоидат мекунад»,-иброз намуд раиси Кумита.
Дар маҷмӯъ ин лоиҳа се марҳилаи иҷро дорад ва марҳилаи аввали он аз моҳи январ то ноябри соли 2021-ро дар бар мегирад.
Дар маросим Раиси Кумитаи ҳолатҳои фавқулода, генерал-лейтенант Рустам Назарзода, раиси ноҳияи Шаҳринав Ҷаббор Носирзода, роҳбари Дафтари барномаҳои САҲА дар Душанбе Валериу Кивер, сафири Иттиҳоди Аврупо дар Ҷумҳурии Тоҷикистон хонум Мерилин Йосефсон, Сафири Афғонистон дар Тоҷикистон Муҳаммад Зоҳир Асғар, роҳбарони дигар корпусҳои дипломатӣ ва ташкилотҳои хориҷӣ ширкат намуданд.
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
Шаҳноза Ахмедова соҳиби Шоҳҷоизаи Фестивал-озмуни ҷумҳуриявии «Як матову сад ранг» гардид
Дар Дастгоҳи иҷроияи Президенти Ҷумҳурии Тоҷикистон бахшида ба ҷашни 35-солагии Истиқлоли давлатӣ нишасти илмию назариявӣ баргузор гардид
