Кормандони Раёсати Кумитаи ҳолатҳои фавқулодаи Хатлон машқҳои амалӣ ва вохӯриҳои таблиғотӣ гузарониданд
ДУШАНБЕ, 14.01.2021 /АМИТ «Ховар»/. Бо мақсади таълим ва омӯзонидани аҳолии деҳаҳои дар минтақаҳои хатарнок ҷойгирифта кормандони Раёсати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Хатлон якҷо бо намояндагони Ташкилоти байналмилалии Caritas-и Швейтсария бо ширкати 8 раиси Ҷамоати деҳоти ноҳияи Кӯшониёни вилояти Хатлон машқҳои амалӣ ва вохӯриҳои таблиғотӣ гузарониданд. Дар ин бора аз Кумитаи ҳолатҳои фавқулода ва мудофиаи гражданӣ ба АМИТ «Ховар» хабар доданд.
Дар мулоқот кормандони Раёсати Кумитаи ҳолатҳои фавқулода ва мудофиаи гражданӣ дар ҷамоатҳои деҳоти Дӯстӣ, Сарипул, Сариҳавз, Механизатор, Халқаҷар, Сӯҳроб Муродов, Бохтариён ва Бӯстонқалъаи ноҳияи Кӯшониёни вилояти Хатлон дар бораи минтақаҳои хатарнок, тарзи рафтор дар ҳолатҳои фавқулода маълумот дода, ҷойҳои ниҳолшинониро ҷиҳати пешгирӣ аз ҳодисаҳои фавқулодаи табиӣ муайян намуданд.
Ҳамчунин ба раисони ҷамоатҳо харитаҳои минтақаҳои хатарнокро доданд, ки бо дастгирии Ташкилоти байналмилалии Caritas-и Швейтсария таҳия шудаанд.
Тибқи нақшаи таълимии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, дар ноҳияи Кӯшониён бо иштироки муовини раиси ноҳия, сардори Раёсати Агентии беҳдошти замин ва обёрии назди Ҳукумати Ҷумҳурии Тоҷикистон ва 23 нафар кормандони масъули мудофиаи шаҳрвандӣ дарсҳои омӯзишӣ гузаронида шуданд.
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
