Кушта шудани як ғайринизомӣ дар таркиши мошини бомбгузоришуда дар Ғазнӣ

ДУШАНБЕ, 15.01.2021. /АМИТ «Ховар»/. Мақомҳои маҳаллӣ дар вилояти Ғазнии Афғонистон мегӯянд, ки  дар ҳамла як ғайринизомӣ кушта ва  ҳафт тан аз неруҳои давлатӣ захмӣ шуданд,  хабар медиҳад АМИТ «Ховар» бо истинод ба хабаргузории «Тулӯъ нюс».

Мақомҳо дар вилояти Ғазнӣ мегӯянд, ки дар натиҷаи таркиши як мошини бомбгузоришуда дар Ғазнӣ як ғайринизомӣ кушта ва ҳафт тан аз неруҳои давлатӣ захмӣ шуданд.

Воҳидуллоҳ Ҷумъазода, сухангӯи раиси вилояти Ғазнӣ мегӯяд, ки  ин рӯйдод наздикии соати 03.00 рӯзи ҷумъа дар шоҳроҳи Кобул-Кандаҳор дар наздикии як маркази неруҳои давлатӣ рух дод.

Ба гуфтаи Ҷумъазода, мошини бомбгузоришуда пеш аз расидан ба ҳадаф аз сӯи неруҳои давлатӣ муайян ва  хадаф қарор дода шуд.

Дар ҳамин ҳол, Вазорати мудофиа дар як хабарнома мегӯяд, ки ин мошини бомбгузоришуда пеш аз расидан ба ҳадаф, ки як пойгоҳи неруҳои артиш буд,  аз сӯи неруҳои давлатӣ муайян ва ҳадаф қарор дода шуд.

Дар хабарномаи ин вазорат омадааст, ки дар як ҳамлаи ҳавоии  неруҳои афғон ки пас аз ин таркиш анҷом шуд, ҳашт нафар аз террористон кушта шуда, ду тани дигар захм бардоштанд.