Набардҳои шадиди неруҳои амниятӣ бо «Толибон» дар минтақаҳои гуногуни Афғонистон идома доранд

Январь 20, 2021 09:08

ДУШАНБЕ, 20.01.2021 /АМИТ «Ховар»/ Дар ҷараёни даргириҳо байни неруҳои амниятӣ ва «Толибон» дар чанд вилояти Афғонистон дар тӯли 24 соати гузашта даҳҳо нафар кушта ва захмӣ шуданд, хабар медиҳад АМИТ «Ховар» бо истинод ба сомонаи шабакаи телевизионии tolonews.com.

 Дар ҳамин ҳол, Вазорати мудофиаи Афғонистон изҳор намудааст, ки неруҳои давлатӣ дар мубориза бо «Толибон» (мамнуъ дар Тоҷикистон) дар вилояти Кундуз ба пешрафт ноил шудаанд ва дар даргириҳо беш аз 40 толиб кушта шудааст.

Ноҳияҳои Дашти Арчӣ, Имом Соҳиб ва қисматҳои Чорсӯи шаҳри Кундузи вилояти Кундуз; ноҳияи Бағлони Марказӣ ва атрофи шаҳри Пули Хумрии вилояти Бағлон; ноҳияҳои Жирӣ, Панҷвой ва Арғандоби вилояти Қандаҳор ва ноҳияи Хушрӯди вилояти Нимрӯз баъзе аз қисматҳои дигари кишвар дар ду рӯзи охир шоҳиди задухӯрдҳо буданд…

Вобаста ба вазъияти ҷойдошта, сокинони ноҳияи Имом Соҳиби вилояти Кундуз аз афзоиши ноамнӣ дар ин минтақа ҳушдор медиҳанд.

Беш аз 20 нируи ҳукуматӣ дар ҷанг бо “Толибон” рӯзҳои душанбе ва сешанбе дар ноҳияи Дашти Арчӣ ва дар атрофи шаҳри Кундуз кушта шуданд.

Ҳамзамон, мақомоти вилояти Қандаҳор низ таъкид кардаанд, ки ҳамлаҳои “Толибон” -ро дар ду ҳафтаи охир пас задаанд. «Неруҳои амниятӣ ва дифоъи Афғонистон ба “Толибон” талафоти ҷиддӣ расониданд, шахсиятҳои калидии онҳо кушта шуданд», — мегӯяд Фавод Амон, муовини сухангӯи вазорати дифоъ.

Маъмулан ҳар сол дар фасли сармо ҷангҳо кам мешуданд, аммо имсол чандин вилояти кишвар дар ин фасл ҳамеша шоҳиди даргириҳои шадид буданд ва ин дар ҳолест, ки ҳайатҳои музокиракунандаи ҳукумат ва “Толибон” дар Доҳа масоили сулҳи АФғонистонро баррасӣ мекунанд.

Январь 20, 2021 09:08

Хабарҳои дигари ин бахш

Се олим бо ҷоизаи Нобел дар бахши иқтисод дар соли 2025 сарфароз гардонида шуданд
Дар шаҳри Толятии Федератсияи Русия ошхонаи миллии тоҷикӣ ифтитоҳ гардид
Раёсат дар Иттиҳоди Давлатҳои Мустақил дар соли 2026 ба Туркманистон гузашт
Имрӯз дар Минск ҷаласаи Шурои сарони ҳукуматҳои ИДМ баргузор мегардад
Шумораи давлатҳо ва ҳайатҳое, ки дар Бозиҳои III ИДМ иштирок менамоянд, эълон гардид
Анутхин Чанвиракун Сарвазири нави Таиланд интихоб гардид
Дар Покистон 766 ҳазор нафар аз минтақаҳои аз обхезӣ зарардида кӯчонида шуданд
Бар асари заминларзаи шадид дар Афғонистон беш аз 1120 нафар ҳалок шуданд
Дар Покистон бар асари боронҳои шадид ва обхезӣ 307 нафар ҳалок ва даҳҳо нафар маҷруҳ шуданд
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд