Як корманди додгоҳи шикоятии Нангарҳор дар ҳамлаи афроди мусаллаҳ кушта шуд

ДУШАНБЕ, 14.01.2021. /АМИТ «Ховар»/. Мақомҳо мегӯянд, ки ин ҳодиса наздики соати 09 субҳи рӯзи гузашта дар  наздикии ҳавзаи чоруми шаҳри Ҷалолободи вилояти Нангарҳори Афғонистон рух додаст, хабар медиҳад АМИТ «Ховар» бо истинод ба хабаргузории «Тулӯъ нюс».

Мақомҳои додгоҳи шикоятии вилояти Нангарҳор рӯзи чоршанбе 13-уми январ мегӯянд, ки Абдулқаюм, як корманди ин ниҳод дар ҳамлаи афроди мусаллаҳ ҷон бохт ва Исматуллоҳ корманди дигари онон захмӣ шудааст.

Манбаъ меафзояд, ки ин рӯйдод наздикии соати нуҳи субҳ дар наздикии ҳавзаи чоруми шаҳри Ҷалолободи ин вилоят ҳангоме рух дод, ки афроди мусаллаҳ ба ин кормандон тирандозӣ карданд.

Мақомот вазъи саломатии Исматуллоҳро ки дар ин тирандозӣ захмӣ шудааст, хуб мегӯянд.

То кунун ҳеҷ гурӯҳ, аз ҷумла «Толибон» (мамнуъ дар Тоҷикистон) масъулияти ин ҳамларо ба уҳда нагирифтааст.

Акс аз бойгонӣ